Punch gazetiniń málimetinshe, qaraqshylar Tegına qalasyndaǵy mektepke jeksenbide tústen keıin shabýyl jasaǵan. Olar oq jaýdyryp, saldarynan eki adam jaralandy. Olardyń bireýi qaıtys boldy, al ekinshisiniń jaǵdaıy aýyr.
Nıger bıligi shabýyl bolǵanyn rastady, biraq urlanǵan balalardyń naqty sany anyqtalmaǵanyn málimdedi.
Nıgerııada oqýshylar alǵash ret urlanyp otyrǵan joq. Shabýyldaýshylar olardy bosatý úshin kóbine tólem talap etedi.
BAQ málimeti boıynsha, jyl basynan beri Nıgerııada 700-ge jýyq oqýshy urlanǵan. Eldiń soltústiginde naýryzdan bastap 600-den asa mektep jabyldy. Bılik barlyq oqý ornynda qaýipsizdik sharalaryn kúsheıtip jatyr.
