«Investorlarǵa qolaılylyqty arttyrý maqsatynda ınvestısııalyq kelisimsharttar jasaý boıynsha memlekettik qyzmetter avtomattandyryldy. Pandemııalyq jyl bolǵanyna qaramastan, SIM kelisimsharttardyń sany men somasyn saqtap qana qoımaı, sońǵy 10 jylda rekordtyq kórsetkishke qol jetkizip, 635 mlrd teńgege ınvestısııalyq kelisimsharttar jasaı aldy...», dep málimdedi Ortalyq kommýnıkasııalar qyzmetinde ótken brıfıngte QR SIM Investısııalar komıteti tóraǵasynyń mindetin atqarýshy Ardaq Zebeshev.
Onyń aıtýynsha, bul sharalardyń barlyǵy 2025 jyly negizgi kapıtalǵa salynǵan ınvestısııalar kólemin JIО́-niń 30% - yna deıin, al tikeleı sheteldik ınvestısııalar kólemin 30 mlrd dollarǵa deıin jetkizýge múmkindik berýi tıis. Bul josparlar 2025 jylǵa deıingi ulttyq damý josparyna jáne «Nur Otan» partııasynyń saılaýaldy baǵdarlamasynyń sharalaryn iske asyrý jónindegi Jol kartasyna sáıkes kórsetilgen.
