Aýyldyq otbasylardaǵy basty qundylyqtardyń úshtigine «Úlkenge qurmet, kishige izet» ustanymy (63,9%), dástúrler men ádet ǵuryptardy saqtaý (41%) jáne ózara súıispenshilik pen meıirbandyq (37,4%) kiredi.
«Bos ýaqytyńyzdy qalaı ótkizesiz?» degen suraqqa aýyl turǵyndarynyń 64%-y otbasyna, týystarymen jáne dostaryna ýaqyt bólgisi keletinin aıtqan. 38,2%-y ýaqytyn teledıdar men ınternetke jumsaıdy. Al 19,3%-y óz sharýalarymen aınalysady.
Sonymen qatar saýalnama balalar arasynda da júrgizilgen. Aýyl balalarynyń 50,8%-y ýaqytyn taza aýada, dalada ótkizgendi unatady. 36%-y ýaqytyn kıno men mýltfılmge jumsaıdy. 26,9%-y úı sharýashylyǵyna kómektesedi.
Budan bólek bos ýaqytynda aýyl balalarynyń 22,7%-y mobıldik qurylǵylarda otyrsa, 16,2%-y áleýmettik jelilerge jumsaıdy.
Zertteý barysy kórsetkendeı, aýyl turǵyndarynyń 74,2%-y bala tárbıesinde kúsh qoldanǵandy durys kórmeıdi.
Aıta ketý kerek, respondentterdiń 88,2%-y óz densaýlyǵyn jaqsy jáne qanaǵattanarlyq dep baǵalaǵan. Saýalnamaǵa qatysqan aýyl turǵyndarynyń 41,2%-nda densaýlyǵyna baılanysty eshqandaı problema joq. Al 46,6%-y salaýatty ómir saltyn ustanady.
Jalpy aýyl turǵyndarynyń 72,1%-y qalaǵa kóshýge nıeti joqtyǵyn aıtypty. Qalǵan 27,4%-y balalarynyń sapaly bilim alýy, jaqsy jumysqa ornalasý jáne basqa da perspektıvalar úshin qalaǵa kóshkisi keletindigin jasyrmaǵan.
Sondaı-aq aýyldyq turǵyndar bala týǵanda beriletin járdemaqy, kópbalaly analarǵa beriletin járdemaqy syndy barlyq memlekettik qoldaý baǵdarlamalarynan jaqsy habardar ekendikterin aıtqan.
