«Qazaqstandyq búldirshinderdi tól merekesi – Balalardy qorǵaý kúnimen shyn júrekten quttyqtaımyn! Balalardy qorǵaý kúni – bul jas urpaqtyń qaýipsizdigi, densaýlyǵy, quqyqtary men bostandyqtaryna qatysty jaýapkershilik týraly taǵy bir márte eske salatyn ataýly kún. Qazaqstan balalar quqyqtaryn qorǵaýdyń halyqaralyq júıesin damytýǵa belsendi qatysady», dedi mınıstr.
Sondaı-aq el Prezıdenti balalardyń quqyqtaryn qorǵaý jáne olar úshin qolaıly jaǵdaı jasaý úshin qabyldanyp jatqan sharalardy kúsheıtý mindetin júktep otyrǵandyǵyna toqtaldy.
«Álbette, bul jumystardyń barlyǵy memlekettik, sondaı-aq úkimettik emes uıymdarmen kúndelikti negizde júrgizilýi tıis. Búgin Úkimet otyrysynda balalardyń quqyqtaryn qorǵaý jáne olardyń qaýipsizdigin qamtamasyz etý máselesi qaraldy. Inklıýzıvti bilim berýdi damytý, balalardy seksııalar jáne úıirmelermen qamtý deńgeıin arttyrý, balalar úıleriniń sanyn azaıtý, ystyq tamaqpen jáne qajetti jaǵdaılarmen qamtamasyz etý, balalar úshin qaýipsiz orta qurý sııaqty keń aýqymdy máseleler kóterildi. Bizdiń jumysymyzdyń basty baǵyty – qazaqstandyq balalardyń qaýipsizdigin saqtaı otyryp, olarǵa sapaly bilim berý. Qymbatty balalar, merekelerińizben! Sizderge zor densaýlyq, amandyq tileımin. Jazǵy demalysta kitapty kóbirek oqyńyzdar. Demalystaryńyz jaqsy ótsin!», dep jazdy facebook paraqshasynda.
