Bıylǵy jyly Syrdarııa ózeniniń basseınindegi sý tapshylyǵyna baılanysty kúrdeli sý jaǵdaıy qalyptasty.
Osyǵan baılanysty Qazaqstan Respýblıkasynyń ekologııa, geologııa jáne tabıǵı resýrstar mınıstri Maǵzum Myrzaǵalıev Dýshanbe qalasynda Tájikstannyń energetıka jáne sý resýrstary mınıstri D.Djýmamen kezdesý ótkizip, onyń barysynda tájik tarapymen «Bahrı Tochık» sý qoımasynan bıylǵy jylǵy maýsym-tamyz aralyǵynda 315 mln m3 sýdy qosymsha aǵyzý týraly ýaǵdalastyqqa qol jetkizildi.
Bul kólem Túrkistan jáne Qyzylorda oblystarynda vegetasııalyq kezeńde sýarmaly sý tapshylyǵyn tómendetýge múmkindik beredi.
«Túrkistan jáne Qyzylorda oblystarynyń qajettilikteri úshin Syrdarııa ózeni basseınindegi sý jaǵdaıynyń qıyndyǵyn eskere otyryp, tájik tarapy Qyrǵyzstan Respýblıkasy Toqtoǵul sý qoımasynan aǵyzatyn sý kóleminen basqa, maýsymnan tamyzǵa deıin «Bahrı Tochık» sý qoımasynan qosymsha 315 mln m3 sý jetkizýge kelisti.
Qazaqstan óz kezeginde Tájikstanǵa «Bahrı Tochık» sý qoımasynyń qosymsha jumys isteýiniń teris saldary týyndaǵan jaǵdaıda materıaldyq-tehnıkalyq qoldaý kórsetedi», dep atap ótti Maǵzum Myrzaǵalıev.
