Almaty oblystyq sanıtarııalyq-epıdemııalyq baqylaý departamentindegi baspasóz qyzmetiniń ókili Álııa Shaǵıahmet: «О́ńirdegi demalys keshenderiniń basym bóligi Alakól, Balqash kólderi men Qapshaǵaı sýqoımalarynda ornalasqan. Oblystyq sanıtarlyq-epıdemııalyq baqylaý departamentiniń mamandary sý aıdyndary men topyraqtardan alǵan zerthanalyq synamalar barlyq sanıtarııa talaptaryna saı bolyp shyqty. Sondaı-aq kásipkerlerge qalyptasqan sanıtarlyq talaptardy saqtaýdan bólek «Ashyq» qosymshasy arqyly jumys isteý usynylyp otyr. Bul aımaqtaǵy epıdemııalogııalyq ahýaldyń turaqtanýyna jáne demalys oryndarynyń týrısterdiń densaýlyǵyn qadaǵalap otyrýǵa múmkindik beredi», dep aıtty.
Sondaı-aq ol aldaǵy ýaqytta «Ashyq» qosymshasyna júktep jatsa ózderine jaqsy bolatynyn jetkizdi.
«Qosymsha arqyly kelýshiniń statýsyn bile alady. Mysaly, qyzyl statýsty adam kelip jatsa, ol ǵımaratqa kirgizilmeıdi», dep túsindirdi.
