Medısına • 01 Maýsym, 2021

Dáriger vaksına qujatynyń qaǵaz nusqasyn qalaı alýǵa bolatynyn aıtty

582 ret kórsetildi

Almaty qalasyndaǵy №36-shy emhananyń bas dárigeri Gúljanat Tilegen vaksınalaý pasportynyń qaǵaz nusqasyn qalaı alýǵa bolatynyn jáne bul júıe ne sebepti engizilgenin keńinen túsindirip berdi, dep habarlaıdy Egemen.kz

Qaǵaz nusqadaǵy vaksınalaý qujatyna arnaıy QR kod basyp shyǵarylady eken.

«Bizde 65 jastan úlken adamdar, sozylmaly aýrýlary bar jáne dıspanserlik esepte turǵan adamdar kóp. Kóptegen adam smartfondy paıdalanýdy bilmeıdi. Mundaı adamdarǵa qaǵaz júzindegi vaksına kýálikteri kómekke keledi», dedi Gúljanat Tilegen.

Osy oraıda qaǵazdan anyqtama alý úshin azamattar vaksınasııa pýnktine nemese emhanaǵa júginýi kerek.

«Pasporttyń qaǵaz túri «Vaksınasııanyń biryńǵaı bazasy» arqyly beriledi. Bul málimetter bazasynda medısınalyq mekemeniń qyzmetkeri adamnyń JSN engizip, vaksınasııa týraly qajetti málimet taba alady. Logın men parolge ıe dáriger nemese meıirbıke qyzmetkerleri ǵana málimetter bazasyna qol jetkize alady», dedi dáriger.

Sonymen qatar ol qaǵaz vaksınasııa pasporty QR-kodpen rásimdeledi, ony suranys orny boıynsha kire beriste skanerleýge bolady.

«Kez kelgen adam egý tólqujatyn eGov mobıldi qosymshasy arqyly júkteı alady, ony qaraý úshin ESQ kilti qajet emes, birrettik qupııa sózdi SMS arqyly engizý jetkilikti, biraq telefon bolýy qajet JSN-men baılanystyrylǵan jáne sertıfıkat vaksınasııa bazasy arqyly, vaksınasııa modýli arqyly beriledi. Bul jalǵyz aıyrmashylyq. Bul smartfondardy qoldana almaıtyndarǵa jáne qosymshaǵa qol jetkize almaıtyndarǵa yńǵaıly», dedi spıker.

Vaksına pasportynyń qaǵaz nusqasy 1 maýsymnan bastap berile bastady. Búgin atalǵan emhanadan tórt adam aldy.

Sońǵy jańalyqtar

Elimizdiń úsh oblysynda tuman túsedi

Aýa raıy • Búgin, 18:17

Uqsas jańalyqtar