«Sottalýshy Shynybekov pen Spabekovanyń kinálary tolyq dáleldendi. Sot Shynybekovti qylmys jasaǵany úshin kináli dep tanyp, múlkin tárkileýmen birge, 8 jylǵa bas bostandyǵynan aıyrý jazasyn belgiledi», dedi Almaty qalalyq №2 Bostandyq aýdany sotynyń sýdıasy Temirjan Qudabaev.
Oqý ornynyń burynǵy bas esepshisi Janaıym Spabekovanyń da múlki tárkilenip, 8 jylǵa bas bostandyǵynan aıyryldy.
Sýdıa úkimdi oqyǵan soń barlyq dálelderdiń muqııat zerttelgenin atap ótti.
Esterińizge sala keteıik, ótken jyly Halyqaralyq aqparattyq tehnologııalar ýnıversıtetiniń burynǵy rektory Damır Shynybekov qarjyny ıemdený nemese talan-tarajǵa salý kúdigi boıynsha qamaýǵa alynǵan edi.
