Baqyt Sultanov О́zbekstan Qazaqstannyń Ortalyq Azııadaǵy negizgi saýda seriktesi ekenin atap ótti. Máselen, aǵymdaǵy kezeńdegi statıstıkalyq derekter taýarlar saýdasy kóleminiń údemeli qalpyna kelýin rastaıdy.
«Tek 2021 jyldyń qańtar-sáýir aılarynda taýar aınalymy $1,2 mlrd-ty qurady, bul ótken jyldyń sáıkes kezeńiniń kórsetkishinen 41,3% joǵary ($0,8 mlrd.). Eksport 54% ósip, $899,2 mln-dy qurady, ımport 11% artyp, $272,0 mln-dy qurady», dep málimdedi Baqyt Sultanov.
О́zbekstan jyl basynan beri ımportqa aksızderdi qoldanýdy toqtatty. 4 aı kóleminde Qazaqstannan О́zbekstanǵa aksızdeletin taýarlar eksportynyń 85 taýar pozısııalary boıynsha (SEQ TN 10 belgisinde) $50,3 mln somasyna 74,3% óskeni baıqalady, eksport kólemi $28,9 mln-ǵa jetti.
Sonymen qatar qos tarap 2021 jylǵy 10 sáýirde HSEYO kapsýlasyn salý rásiminiń qorytyndysy boıynsha qol qoıylǵan «Ortalyq Azııa» halyqaralyq saýda-ekonomıkalyq yntymaqtastyq ortalyǵynyń qyzmetin uıymdastyrý jónindegi is-sharalar josparyn» iske asyrý barysyn egjeı-tegjeıli talqylady.
О́z kezeginde О́zbekstan Respýblıkasy ınvestısııalar jáne syrtqy saýda mınıstriniń orynbasary Badrıddın Abıdov «HSEYO» jobasy aıasynda О́zbekstan barlyq saýda kedergilerin joıýǵa jáne ózara saýdany kúsheıtýge daıyn ekenin jetkizdi.
