1 maýsymnan bastap óńirlik statıstıka departamenti turǵyn úıler men úı-jaılardyń, qurylys nysandarynyń mekenjaıyn anyqtaýǵa kirisedi. Birinshi kezeńde aımaqtaǵy eldi mekenderdiń aýmaǵyn nusqaýshylyq jáne eseptik ýchaskelerge bólý jumystary júrgiziledi. Derekter jınaý prosesi eki ádispen ótedi. Sanaq.gov.kz veb-saıtynda vırtýaldy kómekshiniń kómegimen onlaın saýalnama júrgizý jáne respondentterge saýalnamalar toltyrý arqyly júzege asady.
«Negizgi kezeńde 1 qyrkúıek pen 30 qazan aralyǵynda Ulttyq halyq sanaǵy ótedi. Úı aralaý aǵymdaǵy jyldyń 1-30 qazan aralyǵynda ótedi.
Sanaq kezinde málimetter jınaý úshin sáıkestendirgish aqparat retinde saýalnamaǵa qatysýshynyń JSN-i qoldanylady. Bul aqparattyń qaıtalanýyn boldyrmaýǵa múmkindik beredi», dep málimdedi oblystyq Statıstıka departamentiniń basshysy Boltaı Álimbaeva
