Búgin Atabaı Azmaǵambetov Túpqaraǵan aýdandyq ortalyq aýrýhanasynyń koronavırýs ınfeksııasyna arnalǵan bóliminen emdelip shyqty. Atabaı aqsaqal atalǵan bólimge koronavırýs ınfeksııasy, ókpeniń eki jaqty qabynýy dıagnozymen 24 mamyr kúni túsken.
Túpqaraǵan aýdandyq ortalyq aýrýhanasynyń bas dárigeri Gúlshat Shalabaeva aqsaqaldyń qazirgi jaǵdaıy týraly aıtty.
«Atabaı aqsaqal 20 mamyrdan bastap aýyra bastaǵan. Qarııanyń aıtýynsha, denesinde álsizdik belgiler paıda bolǵan. Januıasy bizge habarlasqannan keıin, dárigerler shuǵyl túrde úıine baryp, densaýlyǵyn tekserdi. Aqsaqaldyń ókpesin tyńdaý nátıjesinde jáne kompıýterlik tomografııa qorytyndysyna sáıkes naýqastyń ókpesiniń 35 paıyzy zaqymdalǵany anyqtaldy. Aqsaqal aýrýhanaǵa 24 mamyrda qabyldandy. Búgin dertten aıyǵyp, otbasymen aman-esen qaýyshyp otyr», dedi dáriger.
