Qytaılyq CoronaVac vaksınasynyń alǵashqy partııasy 500 myń dozadan turady. Bul preparat jaqyn kúnderi Qazaqstan azamattaryna COVID-19 koronavırýs ınfeksııasyna qarsy vaksınalaý úshin qoljetimdi bolatyn tórtinshi preparat bolady.
QHR-dan CoronaVac vaksınasyn jetkizý týraly ýaǵdalastyqtardy iske asyrýy COVID-19 pandemııasyna birlesip qarsy turýda qytaılyq áriptestermen bastalǵan syndarly yntymaqtastyqty sátti jalǵastyrýdyń mysaly retinde qarastyrylady.
Densaýlyq saqtaý mınıstrligi atap ótkendeı, kelip túsken vaksınanyń partııasy qazaqstandyq jáne reseılik qolda bar vaksınalarymen qatar eldiń barlyq egý pýnktterinde qoljetimdi bolady. CoronaVac vaksınasyn Densaýlyq saqtaý mınıstrligi Qazaqstan aýmaǵynda qoldanýǵa maquldady jáne elde qoldanylatyn QazVac, Spýtnık V jáne Hayat Vax vaksınalarynyń tizbesin tolyqtyrady. Qazirgi ýaqytta CoronaVac preparaty álemniń kóptegen elinde keńinen qoldanylady.
QHR-da halyqty vaksınalaý boıynsha jalǵasyp jatqan keń aýqymdy naýqanǵa qaramastan, qytaılyq tarap jan-jaqty jáne strategııalyq áriptestik pen tatý kórshilik qarym-qatynastardy atap ótip, Qazaqstanǵa óziniń ázirlengen vaksınasyn jiberdi.
CoronaVac vaksınasynda SARS-CoV-2 antıgeni bar. Bir qutyda 0.5 ml/doza, preparat 14-28 kún aralyǵymen eki ret vaksınalaýdy kózdeıdi. Vaksınalaýǵa 18 jastan asqan turǵyndar sanattary jatady. Vaksına +2+8 gradýs temperatýrada saqtalady.
