Qazaqstan • 03 Maýsym, 2021

Sheteldikter anyqtamasyz óte almaıdy

81 ret kórsetildi

Pavlodar oblysy aýmaǵyndaǵy Reseı Federasııasynyń óńirlerimen shektesetin memlekettik shekaranyń «Qosaq», «Úrlitóbe», «Sulýaǵash», «Sharbaqty» ótkizý beketterinde indet taralmaýy úshin qatań baqylaý júrgizilýde. Indet bastalǵaly Reseı, Qyrǵyzstan elderinen oblysqa 111 799 adam kelgen. Shekara beketterinde kúndelikti PTR test ótkizilýde.

Jalpy, 1 446 sheteldiktiń PTR anyqtamasyz ótýine jol berilgen joq. Bul jaıynda ob­lys­tyq sanıtarlyq-epı­de­mııalyq baqylaý departa­men­tiniń málimetinde aıtyldy. Mysaly, 31 mamyrda óńirge Reseı aýmaǵynan 520 adam kelse, onyń 364-i jaıaý jáne 156 fýra júrgizýshileri tirkelgen. PTR tekserý barysynda indet belgileri bar 202 adam anyqtalǵan.

– Beketten tikeleı karan­tın­dik stasıonarǵa 9 jolaýshy jibe­ril­di, delingen habarlamada. – Sonymen birge kórshiles elderdiń 11 azamatyna PTR-test tap­syrǵany týraly anyqtamasy berilmegeni úshin oblysqa ótýge tyıym salyndy.

Elimizdegi epıdemııalyq jaǵ­daı­dy baǵalaý matrısasyna sáıkes, Pavlodar oblysy 17 mamyrdan bastap «sary aımaqta».

– Oblysta indet juqtyrý­shy­lardyń sany azaıýda. 10-16 mamyr aralyǵynda 698 jaǵ­daı anyqtalsa, qazir bul kór­set­kish tómendedi. 31 mamyr kúni 65 indet juqtyrý jaǵdaıy tirkeldi. Táýliktik ósim 0,4 pa­ıyzdy quraıdy. Osy ýaqytqa deıin oblysta 22 900 adamnan indet juqtyrý anyqtalsa, 21 092 turǵyn jazylyp shyqty, – deıdi departament basshysy Batyrbek Álıev.

Indet juqtyrýshylardyń azaıý­yna shekara beketterindegi tár­tip pen baqylaýdyń turaqty júr­gi­zilýi de áser etti. Shekteýler en­gizilgen sátten bastap búginge deıin beketterden ótkizý tártibi qatań baqylaýǵa alynǵan. Qazir bas sanıtar dárigerdiń qaýlysyna saı, demalys kúnderi kelýshilerge saýda úıleri, spa-ortalyqtar, basseınder, jabyq bazarlar ashyq, al senbi kúnderi saýnalarǵa barýǵa ruqsat etildi, monshalardyń da ju­mys ýaqytynan shekteýler alyn­dy.

Aýdanaralyq jolaýshylar avto­býsy men shaǵyn avtobýstar da shekteýlerden keıin tasymal ju­mysyn bastady.

Elimizdiń memlekettik shekara­syn­daǵy «Qosaq», «Úrlitóbe», «Sulýaǵash», «Sharbaq­ty» ótkizý beketterinde qazir de halyqaralyq tasymal men jolaýshylar aǵyny qozǵalysyna turaqty monıtorıng júrgizý jalǵasýda.

 

Sońǵy jańalyqtar

Jedel jeli qosyldy

Álem • Búgin, 00:28

«Sáýleń bolsa keýdeńde...»

Pikir • Búgin, 00:21

Qýaty mol qurama jem

Ekonomıka • Búgin, 00:14

Ekonomıkany resessııa kútip tur ma?

Ekonomıka • Búgin, 00:07

Tekeliniń tátti taǵamdary

Aımaqtar • Búgin, 00:05

Jer silkinisi: saqtyq pen sabaq

Tótenshe jaǵdaı • Keshe

Talqy

Ádebıet • Keshe

Qar ústindegi qarsaq

Aımaqtar • Keshe

Álkeıdiń kúndeligi

Tarıh • Keshe

Jyl úzdikteri anyqtaldy

Sport • Keshe

«Hat qorjyn»

Qoǵam • Keshe

Qarǵyn sýdan qaýip bar

Tótenshe jaǵdaı • Keshe

Oqýshylar tapqan olja

Jádiger • Keshe

Uqsas jańalyqtar