2022 jyly elordanyń áýejaıynda ushý-qoný jolaǵyn tolyq qaıta jańartý josparlanýda.
«Kelesi jyly biz 2004 jyly salynǵan jáne jóndeýdi qajet etetin jolaqty tolyǵymen qaıta jańartýdy josparlap otyrmyz. Qazir bul jolaqqa tek 35% júkteme túsip tur. Biz 2027-2028 jyldarǵa qaraı ótkizý qabiletin ulǵaıtýdy talap etetin aǵyn deńgeıine jetemiz dep kútemiz jáne ekinshi ushý-qoný jolaǵynyń qurylysy júrgizilmek», dedi Nursultan Nazarbaev halyqaralyq áýejaıynyń atqarýshy dırektory Dáýlet Hamzın.
UQJ-ny qaıta qurýǵa 20 mlrd teńgege jýyq qarajat qajet bolady. Bul aqshaǵa jolaqtaǵy, rýldeý joldaryndaǵy jáne perrondaǵy jabyn, sondaı-aq jaryq-sıgnaldyq jabdyq tolyǵymen aýystyrylady. Jóndeý jumystaryna baılanysty jazda bir jarym aı ýaqytqa áýejaı tolyǵymen jabylady.
«Áýejaı qysqa merzimge jabylǵan kezde, biz jaqyn mańdaǵy Kókshetaý men Qaraǵandy áýejaılaryna birqatar reısterdi baǵyttap, jolaýshylardy jetkizýdi qamtamasyz etý úshin shattldardy iske qosýdy josparlap otyrmyz», dedi Hamzın.
