Energetıka mınıstri Nurlan Noǵaev Májiliste ótken otyrysta Munaı-gaz-hımııa salasyn damytýdyń bes jyldyq ulttyq jobasy qandaı nátıje beretinin málimdedi.
«Úkimetpen munaı-gaz sektoryn shıkizattyq baǵyttan tereń óńdelgen, qosylǵan quny joǵary ónim shyǵarýǵa baǵdarlaý boıynsha jumys júrgizilýde. Qoıylǵan mindetterdi iske asyrý arqyly munaı-gaz hımııasy ónimderi óndirisiniń kólemin 2025 jylǵa qaraı 2 mln tonnaǵa jetkizý kózdelgen», dedi Nurlan Noǵaev.
Vedomstvo basshysynyń málimetinshe, munaı-gaz hımııasy ónimderiniń eksportyn 2025 jylǵa qaraı 8 esege ulǵaıtyp, 1,336 mlrd dollar tabs ákelý kózdelgen.
«Bul barlyq kiristiń 80%-yn quraıdy. 2025 jylǵa deıin jalpy quny 4,7 mlrd dollar bolatyn 5 zaýyttyń qurylysyn aıaqtap, jalpy quny 12,7 mlrd dollar bolatyn 7 zaýyttyń qurylysyn bastaý kózdelýde», dedi mınıstr.
