Baspasóz-týry eki kezeńge bólingen. Birinshisi bıyl 2/3 toqsanda, ekinshisi 3/4 toqsanda ótkiziledi. Blogerler Grýzııa, Armenııa, Belarýs, Reseı, Ýkraına, Túrkııa, Koreıa, BAÁ jáne Gonkongten shaqyrylady. Sondaı-aq bıýdjet esebinen olardyń elge kelý jáne keri qaıtý bıletteri tólenedi.
Blog-týr 40 elden keletin blogerler men mıllıonnan astam qaralym jınaı alatyn medıa-jeke tulǵalardy qamtıdy, sonymen qatar 50 myń jazylýshy aýdıtorııasy bar mıkro-áser etýshi azamattar shaqyrylady.
Departament ókilderi sheteldik blogerlermen jumys jasaý Qazaqstan men Almatyǵa kelgisi keletin týrıster aǵynyn kóbeıtedi dep úmittenedi.
Almaty qalasy boıynsha sholý ekskýrsııasy mynadaı:
-Qazaq halyq mýzykalyq aspaptar mýzeıi;
-Almaty mýzeıi;
-28 Panfılovshylar parki;
-«Kók-Tóbe» parki;
-Kók bazar;
-«Suńqar» tramplın kesheni;
-«Gýnny» etnoaýyly;
-Oi-Qaragai Lesnaya Skazka;
-Arba Wine júzim alqaby;
-«Sharyn shatqaly» memlekettik ulttyq tabıǵı parki;
-«Shymbulaq» taý shańǵy kýrorty;
-Medeý muz aıdyny;
-Kólsaı kóli.
Sondaı-aq qazaqtyń ulttyq taǵamdaryn daıyndaý boıynsha master-klass ótkizilip, ulttyq kıimmen fotosessııa jasaýǵa qolónershiler sheberhanasyna jetkiziledi.
Vedomstvo ókilderi blog-týr Almaty oblysy aýmaǵy men qaladaǵy epıdemıologııalyq jaǵdaıdy eskere otyryp ótkiziletinin aıtty.
