Bul týraly Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın málimdedi.
Mınıstrdiń aıtýynsha, elimizdiń 1200 aýyly ınternetke qosylmaǵan. Kóbiniń alys shalǵaıda nemese taýly aımaqta ornalasýy baılanys operatorlary úshin úlken kedergi keltirip otyr. Bul óńirlerge jeli tartýǵa qomaqty qarajat kerek. Biraq ol aqshany qaı vedomstvo jáne qashan bóletini belgisiz.
«Ulttyq saıabaqtarda, týrıstik aımaqtarda baılanys ornatý úshin bazalyq stansııalar qajet. Biz antennalar qoıa alamyz. Biraq energetıka máselesi bizdiń quzyrymyzda emes. Sol sebepti biz qandaı jumys jasaý qajettigin anyqtaımyz. Úkimetke shyǵyndar týraly aqpar beremiz. Keıin Mádenıet jáne sport mınıstrligi qarjy izdeýge kirisedi», dedi QR Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın.
