Belgili bolǵandaı, týrıster Bastıonǵa qarama-qarsy jartasqa kóterilip ózdiginen tómen túse almaı qalǵan.
«Oqıǵa ornyna jedel qutqarý toby attandy. Respýblıkalyq jedel-qutqarý jasaǵynyń mamandary shapshańdyǵy men kácibı sheberliginiń arqasynda zardap shekkenderdi tez arada izdep tapty. Olar 50 gradýs eńistegi jartasta shamamen 3500 metr bıiktikte bolǵan. Sondaı-aq oqıǵa ornyna Almaty qalasynyń qutqarý qyzmetiniń qyzmetkerleri de keldi», dep habarlady Respýblıkalyq jedel-qutqarý jasaǵynyń baspasóz qyzmeti.
Ol jaqqa jetý ońaıǵa soqpaǵan. Jartastardan sý aǵyp, úlken tastar tómenge qaraı domalap, keı jerlerde qar men muz bolǵan.
«Tótenshe jaǵdaı qyzmetiniń qutqarýshylary alpınıstik tehnıkany qoldanyp, barlyq kedergilerdi eńsere otyryp, jastardy tómen túsirdi», dedi vedomstvadan.
Qutqarylǵan qyz ben jigit Shyǵys Qazaqstan oblysynyń týmalary. Ekeýi de qatty sharshaǵan ári kıimderi de mundaı baǵytqa arnalmaǵan.
