Bul týraly Qazaqstan Ulttyq banki Qolma-qol aqsha aınalysy departamentiniń dırektory Jomart Qajymuratov málimdedi.
«Jańa banknot shyqqan jaǵdaıda, 12 aı ishinde eski banknot qatar qoldanysta júredi. Basqasha aıtsaq, eski banknot ta, jańa banknot ta zańdy tólem quraly bolady jáne olardy bir jyl boıy barlyq tólem túri boıynsha qabyldaýǵa mindetti.
Qandaı da bir banknot aınalymnan shyqqannan keıin ony 3 jyl merzim ishinde Ulttyq banktiń fılıaldarynan da, ekinshi deńgeıli bankterdiń (EDB) bólimshelerinen de, «Qazposhta» AQ keńselerinen de aıyrbastap alýǵa bolady», dedi J.Qajymuratov.
Eger siz belgili bir sebepterge baılanysty aınalymnan shyqqan banknottardy 3 jyl ishinde EDB pen «Qazposhta» AQ keńselerinde aıyrbastaı almaı qalsańyz, onda Ulttyq banktiń fılıaldary olardy merzim boıynsha shekteýsiz qabyldaıdy.
