Eldiń aqparat kózderi habarlaǵandaı, 2019 jyldyń qarasha aıynda-aq qoımadan 72 tonnalyq qarý-jaraq kompleksin urlap ketý faktisi tirkelgen. Alaıda, quqyq qorǵaý organdary «Urlyq» boıynsha isti endi ǵana qolǵa alyp otyr.
«Karapas-2PÝ» áskerı bólimnen tys jerde – Qorǵanys mınıstrligi jalǵa bergen aýmaqta bolypty. Mekeme esepten shyǵarylǵanyna qaramastan, 31810 áskerı bóliminiń qazirgi tańdaǵy komandıri qamtamasyz etý vzvodynyń áskerı-tehnıkalyq múlik qoımasynyń burynǵy basshysy Iýlııa Samohvalovaǵa keltirilgen materıaldyq zalaldy óteý úshin aqsha óndirip alý týraly aryz jazady.
«Shyǵynnyń jalpy mólsheri 447 120 rýbldi (2,5 mln teńgeden astam) quraıdy. Mekemeniń eks-basshysy esepten shyǵarylǵan obektini bólshekteý aktisin jasaı otyryp júrgizbegenin, al 72 tonna bólshekteýden qara metall synyqtary kiriske alynbaǵanyn atap ótti. Osy oraıda komandır Iýlııa Samohvalova óz mindetterine nemquraıdy qarap, adal atqarmaǵan», delingen habarlamada.
Degenmen, 2 maýsymda Sankt-Peterbýrg garnızondyq áskerı soty bul talapty qanaǵattandyrýdan bas tartty.
Tergeý barysynda jappaı bekinis ǵımaraty ornalasqan aýmaqqa kirý ashyq ekeni belgili boldy. Iýlııa Samohvalova bul iske ózin kináli dep sanamaıdy. Sot ókili burynǵy mekeme basshysy óziniń tikeleı qyzmet ornynan alys ornalasqanyn alǵa tartady. «Karapas-2 PÝ» ornalasqan aýmaqty kommersııalyq uıym jalǵa alǵan, sondaı-aq nysan qoımaǵa tapsyrylmaǵan bolyp shyqty. Nysanda eshqandaı qaýipsizdik sharalary uıymdastyrylmaǵandyqtan, qoıma bastyǵy esepten shyǵarylǵan áskerı múliktiń saqtalýyn qamtamasyz ete almady», delingen habarlamada.
