Bul týraly QyzPÝ-dyń baspasóz qyzmetiniń jetekshisi Jandar Asan habarlaıdy.
Bilim jáne ǵylym mınıstri oqý ornynyń jańa basshysyna ýnıversıtetti damytý jolyndaǵy jumysyna sáttilik tiledi.
«О́zderińiz biletindeı, el Prezıdenti jastardy memleketti basqarý isine tartý máselesine kóp kóńil bóledi. Biz Memleket basshysynyń saıasatyn, sonyń ishinde bilim berý júıesine jańa kóshbasshylardy tartý boıynsha jumystardy jalǵastyryp kelemiz. Jańa kóshbasshylar - óz elin, jerin súıetin patrıottardan quralǵan jas urpaq. Kóbiniń halyqaralyq tájirıbesi bar, olar - kásibı ortada keńinen tanymal jáne maman retinde qalyptasqan tulǵalar. Tek sońǵy birneshe aıdyń ishinde elimizdegi jetekshi joǵary oqý oryndarynyń basshylary bolyp áleýeti zor, tájirıbesi mol kóshbasshylar taǵaıyndaldy. Sonyń biri - Gúlmıra Ámirhanqyzy. Jas kóshbasshylar óz bilimi men tájirıbesin elimizdiń gúldenýi jolynda paıdalanyp, eńbek úlesterin qosady dep oılaımyz. Olardyń árqaısysyna úlken úmit artylyp otyr», dedi Ashat Aımaǵambetov.
Aıta keteıik, Gúlmıra Ámirhanqyzy Qanaı 1986 jylǵy 12 qańtarda Jambyl oblysynyń Taraz qalasynda dúnıege kelgen.
2007 jyly Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń bakalavrıatyn «Lıngvıst: aǵylshyn tili muǵalimi» mamandyǵy boıynsha úzdik baǵamen támamdaǵan.
2009 jyly atalǵan joǵary oqý ornynyń magıstratýrasyn «Aýdarma isi» mamandyǵy boıynsha úzdik baǵamen bitirgen.
Gúlmıra Qanaı - Halyqaralyq «Bolashaq» baǵdarlamasynyń túlegi.
2011 jyly Ulybrıtanııanyń Ýorvık ýnıversıtetiniń magıstratýrasyn «Bilim berý salasyndaǵy basqarý» mamandyǵy boıynsha, 2019 jyly Kembrıdj Ýnıversıteti Bilim berý fakýltetiniń doktorantýrasyn úzdik támamdaǵan.
Ǵylymı dárejesi - PhD. Kembrıdj Ýnıversıteti jáne Nazarbaev Ýnıversıteti syndy jetekshi oqý oryndarynda eńbek etken.
Aıta keteıik, Basqarma tóraǵasy - rektor eki ashyq konkýrs negizinde irikteledi.
Respýblıkalyq konkýrstyq komıssııa quramynda Parlament depýtattary, kásipodaq pen «Atameken» Ulttyq kásipkerler palatasynyń ókilderi, memleket jáne qoǵam qaıratkerleri bar.
