Vaksına alǵan azamattar birden utys oıynyna qatysa aldy.
Júlde arasynda - turmystyq tehnıka, elektronıka, SOO jalǵa alýshylarynyń syılyqtary bar. Elorda turǵyndary kásipkerlerdiń osyndaı bastamasyn joǵary baǵalap, baǵaly syılyqtar úshin alǵysyn bildirdi.
«11 mamyrda vaksınanyń alǵashqy komponentin aldym. Masa shaǵyp alǵandaı ǵana boldy. Jyl saıyn kúzde tumaýǵa qarsy ekpe alatynym da bar. Búgin koronavırýsqa qarsy vaksınanyń ekinshi komponentin aldym. Aýyrsyný bolǵan joq, qysymym qalypty. Men tipti utys oıynynda toq sháınek sekildi syılyq alamyn dep kútken joqpyn. О́te qýanyshtymyn! Tanystarymnyń bárin vaksına qabyldaýǵa shaqyramyn, óıtkeni bárimizge ujymdyq ımmýnıtet qajet», dedi 69 jastaǵy zeınetker Larısa Vasılevna.
Vaksınasııa pýnktteri demalyssyz saǵat 10:00-den 22:00-ge deıin jumys isteıdi.
Sondaı-aq, halyqtyń joǵary belsendiligin eskere otyryp, Qoǵamdyq densaýlyq saqtaý basqarmasy kóshpeli brıgadalar uıymdastyryp, eńbek ujymdaryn jappaı vaksınasııalaý júrgizip jatyr.
