Zeınetaqy jınaǵyn jeke kompanııalarǵa berý ózin aqtady ma?

Qor deregi boıynsha ázirge eń joǵary tabystylyq – Jýsan Invest AQ enshisinde. Bul aksıonerlik qoǵamnyń senimgerlik basqarýynda 1,2 mlrd teńge jatyr. Bir aıdaǵy ósim 83,31 paıyzdy kórsetken. Zeı­netaqy jınaǵy portfelindegi negizgi úlesti Exchange Traded Funds baǵa­ly qaǵazdary alyp otyr – 46,36 pa­ıyz. Jyl boıǵy eseptelgen ınves­tı­sııalyq tabys mólsheri 30,24 mln teńgeni qurasa, sonyń 25,37 mln-y – baǵaly qaǵazdardy naryqtyq qaıta baǵalaýdan túsken tabys. Zeınetaqy aktıv­teriniń tabystylyǵy 3,69 pa­ıyzǵa jetken.

Al BCC Invest AQ basqarýynda 540,5 mln teńge bar. Portfeldiń 28,34 paıyzyn ETF paıy quraıdy. Eseptelgen ınvestısııalyq tabys mólsheri 5,02 mln teńge shamasynda. Zeınetaqy aktıvteriniń kiristiligi 1,26 paıyzǵa baǵalanǵan. Eseptelgen ınvestısııalyq tabystyń basym bóligi keri repo operasııalary bo­ıynsha syıaqydan jáne shetel valıýtasyn qaıta baǵalaýdan túsken.

Taǵy bir jeke basqarýshy kompanııa – Sentras Sekıýrıtız AQ-da salymshylardyń 337,35 mln teńgesi bar. Portfeldegi negizgi úles Qarjy mınıstrliginiń baǵaly qaǵazdaryna tıesili – 79,31 paıyz. Eseptelgen ınvestısııalyq tabys mólsheri – 2,64 mln teńge. Bul kompanııadaǵy zeınetaqy aktıvteriniń tabystylyǵy – 0,87 paıyz.

Halyk Global Markets AQ ózine buıyrǵan 751,17 mln teńgeni basqarýmen aınalysýda. Portfeldiń negizin keri repo operasııalary qurap tur. Onyń úlesi shamamen 73,42 pa­ıyz kóleminde. 2021 jyldyń 1 mamy­ryn­daǵy jaǵdaı boıynsha eseptelgen ınvestısııalyq tabys mólsheri – 5,01 mln teńge. Al zeınetaqy aktıvteriniń tabystylyǵy 0,8 paıyzǵa teń.

Sáýir aıynda zeınetaqy aktıv­terin kezeń-kezeńimen syrtqy bas­qarýshy kompanııalarǵa berý sheń­be­rinde sheteldik emıtentterdiń jalpy somasy 14,31 mlrd teńgeni qu­raıtyn depozıtarlyq qolhattary aýdaryldy. Ulttyq banktiń senim­gerlik basqarýynda 12,59 trln teńge kóle­mindegi zeınetaqy aktıvteri qal­ǵan. Jyl basynan beri eseptelgen ınvestısııalyq tabys mólsheri 488,52 mlrd teńgeni quraǵan. Al sa­lym­shylardyń shotyna bólingen BJZQ zeınetaqy aktıvteriniń tabys­ty­lyǵy 3,8 paıyzdy quraǵan, bul rette ınflıasııa deńgeıi – 2,70 pa­ıyz. Osylaısha, BJZQ zeınetaqy ak­­tıvteri boıynsha shynaıy tabys 1,1 paıyzǵa teń.