«20 mamyrda @healthcare.gov.kz QBB ǴZI bas dırektorynyń ǵylym jáne kommersııalandyrý jónindegi orynbasary Erǵalı Abdýraımov qatysqan onlaın-dáris ótti. Onda QazVac týraly qyzyq suraqtarǵa jaýap aldyq. Dáris barysynda kúmándanýǵa sebep bolǵan birneshe aspektilerdi bildik. Olardyń biri – vırýstyń ınaktıvasııa prosesinde formaldegıdti qoldaný.
Formaldegıdti vaksınalardy óndirý úshin qoldanýdyń úlken tarıhy bar. Ol tıimdiligi men qaýipsizdigin kórsetti. Alaıda onyń kemshilikteri bar. Árbir vırýstyń formaldegıdpen ınaktıvasııasy muqııat zerttelýi tıis jáne árbir vırýs úshin belgili bir zerthanalyq hattama ázirlenedi. Dáris barysynda ınaktıvasııa prosesiniń temperatýrasy, konsentrasııasy jáne uzaqtyǵy, vırýsty tazartý jáne ósirý týraly suraǵanda, eshqandaı aqparat alǵan joqpyz», deıdi qaýymdastyqtyń ǵalymdary.
Olardyń aıtýynsha, formaldegıd - nýkleın qyshqyldarymen árekettesetin zat. Onyń kemshiligi – ol vırýstyń qabyǵyndaǵy aqýyzdy da ózgertedi - S-aqýyz. Vırýstyń mundaı ózgeristeri ımmýndyq jaýap berý tıimdiligine áser etýi múmkin.
«Mysaly, zertteýlerde tıimdiligin kórsetken koronavırýsqa qarsy vaksına óndirisinde formaldegıdti qoldanbaǵan. Biz formaldegıd pen koronavırýstyń ózara árekettesýi týraly ǵylymı ádebıetterdi izdedik, biraq málimet jetkiliksiz. Bizde qazaqstandyq ǵalymdardyń da, halyqaralyq derekkózderdiń de deregi joq.
Biz birneshe aı boıy ázirleýshilerdi QazVac synaqtarynyń klınıkalyq kezeńderi boıynsha derekter jarııalaýǵa shaqyrdyq. Biz árqashan otandyq ǵylymdy qoldaımyz, alaıda ǵalym, dáriger bola tura statıstıkalyq málimetterdiń tolyq bolmaýy, óndiris prosesi týraly aqparatty ashýdan bas tartý jáne qoǵamda taralǵan basqa da aqparat bizge osy vaksına týraly ǵylymı aqparat berilgenge deıin QazVac vaksınasyn jappaı qoldanýǵa keńes bermeımiz», dedi qaýymdastyq ǵalymdary.
