«Qazaqstan Respýblıkasy Ulttyq bankiniń Aqsha-kredıt saıasaty jónindegi komıteti bazalyq mólsherlemeni +/-1,0 p.t. paıyzdyq dálizimen jyldyq 9,00 paıyz deńgeıinde belgileý týraly sheshim jasady. Tıisinshe ótimdilikti usyný jónindegi turaqty qoljetimdi operasııalar boıynsha mólsherleme 10,00 paıyz jáne ótimdilikti alý jónindegi turaqty qoljetimdi operasııalar boıynsha mólsherleme 8,00 paıyz bolady.
Sheshim qysqa merzimdi jáne orta merzimdi perspektıvada ınflıasııa táýekelderiniń teńgerimin eskere otyryp qabyldandy. Qazaqstannyń negizgi saýda áriptesteri sanalatyn elderde álemdik azyq-túlik baǵalarynyń ósýine jáne ınflıasııanyń jedeldeýine baılanysty syrtqy ınflıasııalyq qysymnyń saqtalýy baıqalady.
Ishki ekonomıkada iskerlik belsendilik pen tutynýshylyq suranysty birtindep qalpyna keltirý prosesi jalǵasyp jatyr», delingen habarlamada.
Ulttyq bank málimetinshe, orta merzimdi perspektıvada Kazaqstandaǵy ınflıasııanyń negizgi táýekelderi ekonomıkany barynsha kúshti fıskaldyq yntalandyrýmen, JJM-ge ishki baǵalardyń odan ári ósýimen, álemdik naryqtardaǵy baǵalardyń ulǵaıýy nátıjesinde barynsha joǵary azyq-túlik ınflıasııasymen jáne ishki azyq-túlik naryǵynda teńgerimsizdiktiń týyndaýymen, sondaı-aq damyǵan elderdiń ortalyq bankteriniń yntalandyrýdy toqtatýymen baılanysty boldy.
