Alekseı Shpılevskıı «Ersgebırge» fýtbol klýbynda jańa qyzmetke taǵaıyndalǵan. «Qaırat» FK merziminen buryn kelisimshatty úzgen bapkeri úshin ótemaqy alady.
Bas bapkerdiń mindetin atqarýshy bolyp bıylǵy maýsymda «Qaırat-Jastar» komandasyn basqarǵan qazaqstandyq Kırıll Keker taǵaıyndaldy.
«Qaırat» FK Alekseı Nıkolaevıch Shpılevskııge atqarǵan jumysy jáne birge qol jetkizgen jetistikteri úshin alǵys bildiredi! Jattyqtyrýshy mansabynda tabys jáne jańa jeńister tileımiz», delingen klýb habarlamasynda.
Shpılevskııdiń nemis klýbyna ketýi týraly qaýeset bir kún buryn paıda boldy. 33 jastaǵy maman «Qaıratqa» 2018 jyldyń qarashasynda kelgen, al 2020 jyly almatylyqtardy 16 jylda alǵash ret chempıonatqa shyǵardy. Osy chempıonatta «Qaırat» úshinshi orynda keledi.
