Bul týraly qala ákimi «Egemen Qazaqstan» gazetine bergen suhbatynda málimdedi.
«Nur-Sultan qalasynyń damýy – Prezıdent Qasym-Jomart Kemelulynyń jiti baqylaýynda. Jospar boıynsha qala ishinde gazdandyrylýy tıis jer úıleri basym 16 eldi meken bar. Onyń 10-y jyl sońyna deıin tolyq gazǵa qosylady.
Gazdandyrý bastalǵan sátten turmys jaǵdaıy tómen otbasylardyń úılerin qosý boıynsha kómek kórsetý máselesi qarastyryldy. Bir jolǵy áleýmettik kómek zeınetkerlerge, múmkindigi shekteýli eresekterge, erekshe bala asyrap otyrǵan otbasylarǵa, az qamtylǵan kópbalaly otbasylarǵa beriledi
Qalanyń edáýir bóligin jylýmen qamtamasyz etip otyrǵan 1-JEO jáne 2-JEO jalpy alǵanda 13 qazandyqtan turady. Byltyr 4 qazandyq gazǵa aýystyryldy. Jyl sońyna deıin qalǵan 9 qazandyqty gazǵa kóshiremiz. Jalpy, shahardy gazdandyrý 3 kezeńnen turady. Jumys kestege saı júrgizilip jatyr. Taǵy 1 myńnan astam otbasy úıine gaz qosýǵa tehnıkalyq sharttar aldy. Jyl sońyna deıin jalpy alǵanda 11 558 abonent nemese taǵy da 143 myń qala turǵyny gaz qosýǵa múmkindik alady. Sonymen qatar qazirgi tańda qalanyń eki aýmaǵynda jergilikti, avtonomdy jylytý ortalyqtaryn tolyq gazǵa otyrǵyzý josparymyz bar. Bul 2023 jyly aıaqtalady», dedi Altaı Kólginov.
