«Búgin saǵat 13:10-da Túrkistan oblysy Tóle bı aýdanynyń Aıǵyrjyqqan jáne О́gem ózenderi qosylǵan tustan 500 metr jerde joǵalǵan týrısterdiń zattary (jempir, aıaq qıim, uıyqtaýǵa arnalǵan qap) tabyldy. TJM qutqarýshylary olardy polısııa qyzmetkerlerine tabystady. Týrısterdiń biriniń anasy tabylǵan zattardyń arasynan óz balasynyń kıimin tanydy», dedi T. Ýálı.
Vedomstvo ókiliniń aıtýynsha, joǵalǵan eki týrısti izdeý jumystary jalǵasyp jatyr.
«Aımaqta «Qazavıaqutqarý» aksıonerlik qoǵamynyń tikushaǵy aerovızýaldy barlaý jasap júr. Izdestirý jumystary 15 táýlik boıy jalǵasýda. Oǵan Túrkistan oblysynyń tótenshe jaǵdaılar jáne Polısııa departamentterinen, Ulttyq qaýipsizdik komıtetiniń Shekara qyzmetinen, Orman sharýashylyǵynan, О́zbekstan Respýblıkasy Tótenshe jaǵıdarlar mınıstrliginiń jeke quramynan 137 qyzmetker, 17 tehnıka, 1 tikushaq jáne joǵalǵan týrısterdiń týystary jumyldyrylǵan. Izdeý jumystary toǵyz baǵytta júrip jatyr», deıdi Talǵat Ýálı.
