Bilim jáne ǵylym vıse-mınıstri Sholpan Karınova ortalyq kommýnıkasııalar qyzmetinde ótken brıfıngte: «Mınıstrlik uıymdastyratyn zııatkerlik olımpıadalar men konkýrstardy «Daryn» respýblıkalyq ortalyǵy, shyǵarmashylyq jáne kórkemdik baǵyttaǵy saıystardy respýblıkalyq «Qosymsha bilim berý» ortalyǵy, sporttyq jarystardy «Dene shynyqtyrý jáne sport» respýblıkalyq ortalyǵy úılestiredi. Aıta ketý kerek, mınıstrlik ótkizetin barlyq konkýrs bıýdjet qarajaty esebinen uıymdastyrylady, sondyqtan oǵan qatysý tegin. Budan bólek olımpıadalar men konkýrstardyń qorytyndysy boıynsha beriletin dıplomdar men medal, tósbelgiler de oqýshy-jeńimpazdarǵa, júldegerlerge tegin beriledi. Osy oraıda qoǵamdaǵy aqyly olımpıadalar týraly qyzý talqylaýǵa toqtala ketkim keledi. Qazirgi tańda túrli jekemenshik uıymdar oqýshylarǵa arnalǵan aqyly konkýrstardy uıymdastyrady. Alaıda mundaı qyzmet kórsetý salasy lısenzııalanbaıdy, – dedi.
Spıkerdiń sózine sensek, osyndaı jekemenshik uıymdar ózderiniń jarystaryn mınıstrliktiń josparynda bekitilgen konkýrstardyń taqyrybymen birdeı nemese uqsas etip uıymdastyrady. Jáne qatysýǵa oqýshylardan aqsha talap etedi. Tegin uıymdastyrylmaıtyn olımpıadalar men konkýrstardyń birde-bireýiniń atalǵan vedomstvoǵa qatysy joq. Sol sebepti ata-analar men muǵalimder balany konkýrstarǵa qatystyrýda muqııat bolǵany abzal.
– Ata-analar, muǵalimder men mektepter ártúrli olımpıadalar men konkýrstarǵa balalardyń qatysýyn tańdaǵanda muqııat bolýy kerek. Olar óz qarajatyn jumsamas buryn uıymdastyrýshynyń kim ekenin, balalardy damytýda qandaı tájirıbesi baryn, oqýshynyń bolashaǵyna ne beretinin, qandaı daǵdylardy ıgeretinin anyqtap alǵany jón. Jalpy, olımpıadalarǵa qatysý – erikti is. Árbir ata-ana balasynyń aqyly jarystarǵa qatysý-qatyspaýyn ózi sheshedi. Bul rette pedagogterdiń de, mektep ákimshilikteriniń de, uıymdastyrýshylardyń da májbúrleýge haqy joq. Mundaı faktiler bolsa, mınıstrliktiń óńirlik Bilim berý salasyndaǵy sapany qamtamasyz etý departamentterine júginýge bolady, – dedi Sh.Karınova.
