Solardyń biri balýannyń órnegi de ásem, kúmispen ádiptelgen beldigi. Bul jádiger – 2002 jyly Ońtústik Qazaqstan oblysy, Ordabasy aýdany Temirlan aýylyndaǵy Qajymuqan atyndaǵy oblystyq sport mýzeıine belgili sportshy, jazýshy Álimqul Búrkitbaevtan satyp alynǵan. Álimqul aǵamyz kezinde orasan kúsh ıesi jaıynda «Qajymuqan» atty derekti kitap jazǵany málim. Ol kisi kúmis beldikti Sankt-Peterbýrgte ótken sporttyq trofeılerdiń aýksıonynan satyp alypty.Endi bul qundy dúnıe Ulttyq mýzeıdiń tórinde tur.
Sonymen qatar mýzeıde alyp atamyzdyń jeke tólqujaty, Varshava musylmandarynyń syıǵa tartqan medali jáne dári saqtaıtyn ydysy saqtalǵan. Balýannyń emdik shópter salýǵa arnalǵan temir ydysynyń pishini sılındr tárizdi jasalǵan, jeke jabylatyn qaqpaqshasy bar. Atalǵan ydys ósimdik tárizdi oıýlarmen órnektelgen. Onyń bir búıirine arabsha «Balıshıfa», al ekinshi búıirine −«Alqaqnı» dep jazylǵan. «Balıshıfa» (shıfa) sózi – «shıpa», «em», «dárýmen» degen maǵyna berse, «alqaqnı» dep «ydysty» aıtady eken.
