Bul týraly halyqqa esep berý kezdesýinde Aýyl sharýashylyǵy mınıstri Saparhan Omarov aıtty.
«О́tken jyldyń qorytyndysy boıynsha AО́K salasynda barlyq makrokórsetkishter boıynsha ósim bar. Aýyl sharýashylyǵynyń jalpy óniminiń kólemi 5,7%-ǵa ulǵaıyp, 6,3 trln teńgege jetti. Bul Eýrazııalyq ekonomıkalyq odaq elderi arasyndaǵy eń úlken ósim. Sonymen qatar, Qazaqstanda azyq-túlik óndirisi 4%-ǵa ósti», dedi mınıstr.
Mınıstrdiń deregi boıynsha, aýyl sharýashylyǵynyń negizgi kapıtalyna salynǵan ınvestısııalar aǵyny 15%-ǵa, tamaq ónimderi óndirisine salynǵan ınvestısııa 13,5%-ǵa ulǵaıdy. Nátıjesinde, AО́K ınvestısııalarynyń jalpy kólemi jospardaǵydan 154,2 mlrd teńgege asyp, 677,2 mlrd teńgeni qurady.
«AО́K óndirisiniń ósim kólemi qaıta óńdelgen aýyl sharýashylyǵy ónimderi eksportynyń ulǵaıýymen naqtylandy. Ol 2019 jylmen salystyrǵanda 22%-ǵa ósip, 1,3 mlrd AQSh dollaryn qurady. AО́K salasynda júrgizilip jatqan saıasattyń tıimdiligin brıtandyq The Economist jýrnaly ótkizetin azyq-túlik qaýipsizdiginiń jahandyq reıtıngi de rastady. Onda Qazaqstan 2020 jyldyń qorytyndysy boıynsha 16 pozısııaǵa kóterilip, álemniń 113 eliniń arasynan 32-orynǵa ıe boldy», dep atap ótti mınıstr Saparhan Omarov.
