Turǵyndar taýardyń bar-joǵyn anyqtamastan qarjysyn alaıaqtardyń esepshotyna aýdara salady. Keıin opyq jep, polısııanyń kómegine júginýine týra keledi. Internet-alaıaqtyqtyń bir ereksheligi qylmyskerler el aýmaǵynda ǵana emes, odan tysqary jerde otyryp qylmystyq is-áreketin iske asyra beredi.
Máselen, Reseı Federasııasy aýmaǵynda alaıaqtar «Kolesa.kz» ınternet-saıtynda avtomobılderdi naryqtyq baǵadan tómen baǵaǵa satý týraly jarnama ornalastyrǵan. Jeńildikpen kólik alýǵa nıettengen BQO turǵyndary jalǵan jarnamaǵa senemiz dep aldanyp qalǵan.
1 maýsym men 9 maýsym aralyǵynda belgisiz tulǵa «Kolesa.kz» saıty arqyly «Lada Priora» markaly avtokóligin 623 000 teńgege qoljetimdi baǵada satylatyny týraly jarnama ornalastyrǵan. Oral qalasynyń turǵyny bul aqparǵa senip, QR-ǵa tirkelmegen abonenttik nómirge «WhatsApp» messendjeri arqyly habarlama joldaǵan. Sodan keıin uzaq áńgimelesý kezinde belgisiz bireý Reseı Federasııasynyń aýmaǵynan avtokólikti tikeleı jetkizip ári qaıta tirkep beremin degen syltaýmen senimge kirý arqyly 600 000 teńge kólemindegi qarajatty ıemdenip alǵan. Qazirgi tańda QR QK 190 (alaıaqtyq) babyna sáıkes qylmystyq is qozǵaldy.
Mundaı oqıǵaǵa tap bolmas úshin BQO PD turǵyndardyń ınternet platformalarda ornalasqan aqparattarǵa muqııat zer salýlaryn suraıdy.
