«Men Úkimetke shekarada – atap aıtqanda, Qorǵasta naqty ornalasqan jeri, jol júrý ýaqyty, kidirister kórsetiletin konteınerler trekıngin engizýdi tapsyramyn», dedi Qasym-Jomart Toqaev.
Prezıdent tilge tıek etkendeı, aqparattyq júıe О́zbekstanmen, Qyrǵyzstanmen jáne basqa da kórshilermen qurylatyn barlyq erkin saýda ortalyqtarynda jumys isteýi tıis.
«Qazir kólik kommýnıkasııalary Úkimet saıasatyndaǵy basymdyq bolyp tabylady. Osy baǵdarlamanyń iske asyrylýyn ózim tikeleı baqylaımyn», dedi Memleket basshysy.
Sondaı-aq Prezıdent sońǵy 10 jylda Qazaqstan jahandyq kólik dálizderinde qýatty ınfraqurylymdyq sheńber qurǵanyn eske saldy.
«2020 jyly tranzıttik temirjol tasymalynyń kólemi 17 paıyzǵa ósti. О́simniń basty faktory konteınerlik tasymal boldy. Qazaqstannyń temirjol tasymalyndaǵy áleýetin barynsha paıdalanýdyń jańa mindetteri paıda bolyp otyr. Byltyr 900 myńǵa jýyq konteıner tasymaldandy. Bul 2019 jylǵy kórsetkishten 32 paıyzǵa joǵary. Onyń 91 paıyzy Qytaı-Eýropa, Eýropa-Qytaı baǵytyna tıesili. Temirjol, avtomobıl tasymaly men qubyr arqyly tasymal boıynsha kórsetilgen qyzmetterdiń úlesi transporttyq qyzmetterdiń 67 paıyzyn qurady. Qazaqstan Azııa men Eýropa arasyndaǵy qurlyqtyq tasymaldyń mańyzdy býynyna aınaldy dep senimmen aıtýǵa bolady. Qazaqstan Qytaıdyń «Bir jol – bir beldeý» jahandyq jobasyn iske asyrýdaǵy mańyzdy ári jetekshi seriktesi», dedi Qasym-Jomart Toqaev.
