Jeńil atletıka sheberleri Qazaqstan chempıonaty nátıjesi boıynsha tıisti normatıvti oryndady. Búgin Halyqaralyq jeńil atletıka federasııasy qazaqstandyq sportshylardyń nátıjesin resmı jarııalandy.
Sonymen, #teamKZ qorjynyna Marııa Ovchınnıkova, Krıstına Ovchınnıkova jáne Nadejda Dýbovıskaıa úsh joldama alyp keldi.
Marııa Ovchınnıkova úsh qarǵyp sekirý jarysynyń qorytyndysy boıynsha lısenzııa jeńip aldy. Sportshy 14,34 metr nátıjemen úzdik kórsetkishke qol jetkizdi. Bul nátıje olımpıadalyq standarttan eki santımetrden asyp túsedi (14.32).
Krıstına Ovchınnıkova men Nadejda Dýbovıskaıa bıiktikke sekirý lısenzııalaryn jeńip aldy.
Nadejda Dýbovıskaıa Azııa rekordyn jańartyp, 2,0 metr nátıje kórsetti. Krıstına Ovchınnıkova 1,96 nátıjesin tirkedi. Lısenzııany oryndaý normasy 1,96 nátıjesi bolǵandyqtan, eki nátıje de Tokıodaǵy jazǵy Olımpıada oıyndaryna qatysýǵa múmkindik beredi.
Aıta keterligi, jeńil atletıkadan Qazaqstan quramasynyń qorjynynda buǵan deıin tórt joldama boldy. Ony Olga Rypakova (úsh qarǵyp sekirý), Grıgorıı Sheıko men Aıman Ratova (sporttyq júris) jáne Janna Mamajanova (marafon) jeńip alǵan bolatyn.
Búginde Qazaqstan qorjynynda sporttyń 25 túrinen 66 joldama bar.
