Atyraý qalasynyń ákimi Qaırat Orazbaevtyń málimetinshe, jolaýshy tasymaldaýshy kásiporyndardyń avtoparkinde 289 avtobýs bar.
«Kún saıyn jolaýshy tasymaldaýǵa 210-220 avtobýs jolǵa shyǵady. Sebebi, avtobýs júrgizýshileri jetispeıdi. Bul 60 avtobýstyń rezervte turýyna áser etip otyr», deıdi Qaırat Orazbaev.
Onyń aıtýyna qaraǵanda, osy kezge deıin Atyraý qalasynda 71 ashyq, 24 jabyq aıaldama jańasyna aýystyrylypty. Al, 47 aıaldama senimgerlik basqarýǵa berilipti.
«Bıylǵy jyldyń sońyna deıin Qazaqstanda shyǵarylǵan 120 aıaldamany satyp alý josparlanyp otyr. Osylaısha, eski aıaldamalar jańasyna aýystyrylady. Keıbir kóshelerge jańa aıaldamalar ornatylady», deıdi Qaırat Orazbaev.
