Prezıdent • 12 Maýsym, 2021

Q. Toqaev: Prezıdenttik kadr rezervinde bolý – jastar úshin taptyrmas múmkindik

86 ret kórsetildi

Elordada Prezıdenttik jastar kadrlyq rezervi forýmy bastaldy. QR Prezıdentiniń kómekshisi Erlan Qarın Qasym-Jomart Toqaevtyń quttyqtaý hatyn oqyp berdi, dep habarlaıdy Egemen.kz.

«Qurmetti dostar! Barshańyzdy Prezıdenttik jastar kadrlyq rezervi forýmynyń ashylýymen quttyqtaımyn. Bul – júzden júırik, myńnan tulpar shyqqan úzdikterdiń basqosýy. Men jas urpaqtyń eldik múddege berik, memleketshil tulǵa bolyp ósýine basa mán beremin. Bilimdi de bilikti, belsendi ári otanshyl órenderge jol ashý – mańyzdy mindetterdiń biri. Biz olardyń jaýapty qyzmet atqaryp, shyńdala túsýine tolyq jaǵdaı jasaımyz», delingen Prezıdent quttyqtaýynda.

Prezıdent memlekettik basqarý isindegi sabaqtastyqty saqtaı otyryp, basshylardyń jańa shoǵyry qalyptastyrylatynyn, sol úshin arnaıy qurylǵan komıssııa konkýrs jarııalap, ańdaýly 300 adamdy iriktep alǵanyn eske saldy.

«Men baıqaý jeńimpazdarymen byltyr qańtar aıynda kezdestim. Aldaǵy mindetter týraly oıymdy ortaǵa salyp, baǵyt-baǵdar berdim. Sodan beri kópshiligińiz túrli laýazymǵa taǵaıyndaldyńyzdar. Bıyl aralaryńyzdan Májiliske eki depýtat saılandy. Sonymen birge, eki azamat Ulttyq qoǵamdyq senim keńesine múshe boldy. О́ńirlerge baryp eńbek etip júrgen qyz-jigitterdi de bilemin. Jas mamandardyń elmen etene jumys isteýi – quptarlyq qadam. Sebebi bul – naǵyz ómir mektebi», deıdi Memleket basshysy.

Q. Toqaev jastardyń jan-jaqty izdenip, aýqymdy bastamalar men naqty jobalar usynǵanyn atap ótti.

«Munyń bári jas órkeniń áleýeti qanshalyqty zor ekenin kórsetedi. Prezıdenttik kadr rezervinde bolý – talapty jastar úshin taptyrmas múmkindik ekeni anyq. Alaıda ony bılikke jetýdiń emes, halyqqa qyzmet etýdiń tóte joly dep bilý kerek. Shyn máninde eń úlken mártebe de, abyroı da osynda. Bıyl qasterli Táýelsizdigimizge 30 jyl tolady. Sizder – erkin elde týyp-ósken rýhy azat, sanasy ashyq azamatsyzdar. Qazaqstandy odan ári órkenderý – ózderińizge júkteletin úlken jaýapkershilik. Osy oraıda óskeleń urpaq el úmitin aqtaıdy dep senemin. Barshańyzǵa myqty densaýlyq, baq-bereke tileımin. Forýmnyń jumysy tabysty bolsyn», deıdi Qasym-Jomart Toqaev.

Sońǵy jańalyqtar

Oktagonǵa shyǵatyndar anyqtaldy

Sport • Búgin, 09:08

Belgradta beldesedi

Sport • Búgin, 09:06

Japonııada synǵa túsedi

Sport • Búgin, 09:03

Maıdannan on uly aman oralǵan ana

Tarıh • Búgin, 09:00

Ult tarıhyn ulyqtaǵan týyndylar

Tarıh • Búgin, 08:53

Eń bastysy – azamattardyń senimi

Qazaqstan • Búgin, 08:43

Smart Zholy jeńimpazdary anyqtaldy

Qazaqstan • Búgin, 08:36

Qundy qaǵazǵa qyzyǵatyndar kóp

Ekonomıka • Búgin, 08:32

Ekijaqty yntymaqtastyqtyń sony serpini

Saıasat • Búgin, 08:23

Ulttyq jobalar – kemel keleshek kepili

Qazaqstan • Búgin, 08:15

Asyl aǵanyń sharapaty

Rýhanııat • Búgin, 00:08

Barlyq saladaǵy kórsetkishter saralandy

Aımaqtar • Búgin, 00:02

Quımaqulaq

Rýhanııat • Keshe

Qoǵamnyń biteý jarasy

Qoǵam • Keshe

Gaz baǵasy nege qymbat?

Aımaqtar • Keshe

Erbosynulyn aýyr synaq kútip tur

Kásipqoı boks • Keshe

Uqsas jańalyqtar