«Pandemııa kezinde senimdi jáne kásibı aqparatty bere otyryp, qoǵamda turaqtylyqty saqtaýdyń qanshalyqty mańyzdy ekenin kórdik.
Biz kóptegen feıkterdi kórdik, qoǵamda túsinispeýshilik boldy. О́lim deńgeıi joǵary bolsa da, adamdar vırýs bar, vırýs qaýipti ekendigine senbedi. Árıne, munda aqparatty kásibı túrde berý mańyzdy boldy», dedi A.Balaeva.
Mınıstr senimdi aqparatqa negizdelgen qoǵamdyq pikirdi qalyptastyrýǵa yqpal etetin salalyq jýrnalıstıkany damytýdyń ózektiligi týraly aıtty.
«Mınıstrlik 2020 jyly jýrnalıstıkany damytý boıynsha arnaıy jospar qabyldady, onda jýrnalısterdi daıarlaý, qaıta daıarlaý jáne biliktiligin arttyrý máseleleri qarastyrylǵan. Salalyq jýrnalıstıkanyń qanshalyqty mańyzdy ekenin kórdik. Osyǵan baılanysty bizdiń mınıstrlik memorandýmdarǵa qol qoıdy, túrli salalar boıynsha jýrnalısterdi daıarlaýǵa baǵyttalǵan naqty semınarlar ótýde. Birinshi kezekte bul medısına», dedi mınıstr.
Sonymen qatar A.Balaeva Mınıstrliktiń jobasy bolyp tabylatyn Stopfake.kz jalǵan aqparatpen kúres jónindegi saıtyn Prezıdenttik kadr rezerviniń ókili júrgizetinin atap ótti.
Aıda Balaeva Prezıdenttik rezerv múshelerine jumysta tabys tileı otyra, «Jańa jaǵdaıda qandaı da bir salany jetildirýge túrtki jáne serpin bolýy múmkin basty jobalar biz úshin óte mańyzdy. Sondyqtan, men sizderdi yntymaqtastyqqa shaqyramyn», dedi.
