Oblystyq kásipkerler palatasynyń málimetinshe, bıyl jobanyń birinshi legin 700-den astam adam támamdaǵan, qazir ekinshi lekte 960 qatysýshy bıznestiń qyr-syryn meńgerýdi jalǵastyrýda. Karantın sharalaryna baılanysty ótken jyldaǵydaı oqytý Atameken Academy onlaın-platformasy arqyly qashyqtan júrgizilgen.
– «Bastaý Bıznes» jobasynyń birinshi aǵymynda 731 qatysýshy bilim alǵan. Onyń ishinde 195 qatysýshy jastar ókilderi bolsa, 425 adam 30-49 jas aralyǵyndaǵy adamdar, 76 qatysýshy 50-57 jas aralyǵynda, al 57 jastan joǵary 35 qatysýshy boldy. Bilim alǵandardyń ishinde tek 33 adamnyń ǵana kásipkerlik boıynsha azdaǵan tájirıbesi bar eken, al qatysýshylardyń kópshiligi jumyssyzdar jáne ózin ózi jumyspen qamtyǵandar bolyp otyr. Qazir jobanyń ekinshi legi bastaldy. Oblys boıynsha 960 adam oqýǵa kiristi. Jalpy 5 lek boıynsha oqytý uıymdastyrylyp, osy jyldyń qyrkúıegine deıin jalǵasady. Jyl basynan beri «Bastaý Bıznes» jobasymen oqyǵan 600 túlektiń jobasy qarjylandyryldy, onyń ishindegi 45 adam bıylǵy bilim alǵandar bolyp otyr, – deıdi Almaty oblysy kásipkerler palatasynyń bólim basshysy Sánııa Naýryzbaeva.
Aıtpaqshy, osy «Eńbek» baǵdarlamasyna qatysqan jas kásipker óz aýylynda kásip bastap otyr. Memlekettik qoldaýdyń arqasynda ashylǵan jıhaz sehy aı saıyn 3 myńǵa deıin oryndyq shyǵarady eken. Ile aýdanynyń turǵyny Tilek Ádilhattyń «Bastaý Bıznes» kásipkerlik negizderi jobasynyń arqasynda kásipker atanǵanyna kóp ýaqyt bola qoıǵan joq. Iаǵnı kásibin josparlap, naqty negizge súıene otyryp damytýǵa qol jetkizgen. Ol buǵan deıin jasaǵan jıhazyn bazarda satyp júripti, endi úlken naryqqa shyǵýdyń kózin úırendi.
– 2018 jyly oblystyq kásipkerler palatasy arqyly «Bastaý Bıznes» jobasy boıynsha oqýǵa jazyldym. Kýrs aıaqtalǵan soń «Jas kásipker» baǵdarlamasy boıynsha 505 myń teńge kóleminde grant aldym. Al ótken jyly jıhaz óndiretin sehty damytý úshin aýyl sharýashylyǵyn qarjylaı qoldaý qory arqyly 6 mln teńge kóleminde nesıege qol jetkizdim. Bıznesti bastaǵan kezde úsh apta boıy qyzmetkerlerdi oqytyp, tegin sheberlik sabaqtaryn ótkizdim. Qazir óz komandamdy jasaqtadym. Biz kún saıyn úıge arnalǵan 100 oryndyq jasaımyz. Otandyq ónimniń basty artyqshylyǵy – sapasy men baǵasynda. Sheteldiń oryndyqtaryna qaraǵanda quny tómen. Osynyń arqasynda kóterme tapsyrys berýshilerimiz bar, – deıdi kásipker.
Tilek Ádilhattyń jıhaz sehy Ile aýdanynyń Jetigen aýylynda ornalasqan. О́nimder aýdan ishinde jáne Almaty qalasynyń bazarlarynda satylady. Búginde kásipker jıhaz túrin ulǵaıtyp, jańa stanoktar satyp alý arqyly sehty keńeıtýdi josparlap otyr.
Sondaı-aq «Jas kásipker» baǵdarlamasy boıynsha óz isin bastaǵandar qatary Eńbekshiqazaq aýdanynda da artyp keledi. Sonyń biri – Esik qalasynyń turǵyny Ásem Tynaıbekova. Ásemniń anasy 30 jyl boıy tiginshi bolǵan eken, ismerlikti mura retinde jalǵastyrýdy oılaǵan táýekelshil jas muny kásipkerlikpen ushtastyrýdy oılapty. Sóıtip, kásipkerler palatasy arqyly «Bastaý Bıznes» jobasy boıynsha oqýǵa jazyldy. Qazir Ásemniń ózi sııaqty qoly sheber bes tiginshiden quralǵan toby bar, kásibin dóńgeletip áketti. Osy Eńbekshiqazaq aýdany boıynsha byltyr kásibin jańadan bastaǵan azamattar usynǵan 113 joba qarjylandyrylǵan. Oǵan «Eńbek» baǵdarlamasy aıasynda 467 281 286 teńge bólinipti.
– Bes adamdy jumyspen qamtyp otyrmyn. Biz túrli fırmalar men kompanııa jumysshylaryna arnaıy kıim tigýmen aınalysamyz. Bolashaqta tigin sehyn keńeıtý máselesi de josparymyzda bar. Memlekettiń men sekildi kásipkerlikke umtylǵan jastardy qoldaǵanyna rızamyn. Erinbeı eńbek etseń, kásibiń násibińe aınalady, – deıdi tigin sehynyń ıesi Ásem Tynaıbekova.
Jalpy, byltyr oblysta «Bastaý Bıznes» jobasy aıasynda 3022 qatysýshy kásipkerlik negizderin úırenip, oqyǵan eken. Al olar usynǵan 2 myńnan astam joba qabyldanyp, jalpy somasy 1,8 mlrd teńgege qarjylandyrylǵan. Munyń taǵy bir ereksheligi, kásip bastaý men tabysty tıimdi úılestirýdi az ýaqyt ishinde meńgerip shyǵýǵa bolady. Mysaly, «Bastaý Bıznes» baǵytyndaǵy oqytý 21 kún ishinde ótip, onyń qorytyndysy boıynsha oqýdy aıaqtaǵany nemese qatysqany týraly sertıfıkat beriledi. Osy sertıfıkatpen joba túlegi 200 AEK kóleminde óteýsiz grant nemese 6 paıyzdyq jeńildikpen nesıe alýǵa úmitker bola alady eken.
