Oblystyq polısııa departamentiniń málimdeýinshe, 13 maýsym kúni polısııaǵa Nazarbaev dańǵyly, 204 mekenjaıy boıynsha páterde kúıeýi áıelin uryp tastaǵany týraly qońyraý túsken.
«Ýchaskelik ınspektor páterde birge turǵan er men áıeldiń arasynda janjal shyǵyp, er adam 32 jastaǵy áıel adamǵa dene jaraqattaryn salǵan. Áıel ózimen birge turǵan er adamǵa qatysty shara qoldaný týraly ótinish jazdy», dedi departamentte.
Zardap shegýshige qatysty sot-medısınalyq saraptama taǵaıyndaldy. Áıel adam kámeletke tolmaǵan balasyn saraptamadan ótkizýden bas tartqan. 31 jastaǵy er adamǵa qatysty QRÁQBK 73-1 baby boıynsha ákimshilik óndiris qozǵaldy. Sondaı-aq birge turǵan áıelge 30 kúndik qorǵaý buıryǵy shyǵaryldy.
«Qorǵaý buıryǵy boıynsha zardap shegýshige telefon shalýǵa, kelýge, izinen ańdýǵa, qaýip tóndirýge tyıym salynady», dedi departamentte.
