Qoǵam • 15 Maýsym, 2021

Qoǵamdyq keńester quryldy

77 ret kórsetildi

Aqparat jáne qoǵamdyq damý mınıstrliginiń ádistemelik qoldaýymen KazakhInvest, «Qa­zaqstan Ǵarysh sapary» jáne Kazakh­Export ulttyq kompanııalarynda Qoǵamdyq keńester quryldy.

«Báıterek» Ulttyq basqarýshy holdınginiń, QazExpoCongress, «Qazgeologııa», «QazAvtoJol», «Qazaq­stan Injınırıng», «Azyq-túlik kelisimshart korporasııasy», KazakhTourism, «Ulttyq aqparattyq tehnologııalar» ulttyq kompanııalarynda da Qoǵamdyq keńester qurý rásimi júrip jatyr.

Esterińizge sala keteıik, bıyl qabyldanǵan «Qoǵam­dyq keńester týraly» Zańǵa engizilgen túzetýlerdiń nátı­jesinde kvazımemlekettik sektor sýbektilerinde 13 Qo­ǵamdyq keńes qurylýda. Olardyń qurylýyna memlekettik bıýdjettiń qarajaty jumsalmaıtynyn atap ótý qajet.

«Qazaqstan Ǵarysh sapary» Ulttyq kompanııasynyń Qoǵamdyq keńesiniń quramyna 11 múshe saılandy, olardyń jeteýi azamattyq qoǵam ókilderi, olardyń ishinde professor, UǴA akademıgi, Halyqaralyq astro­navtıka jáne kosmonavtıka akademııasynyń akade­mıgi Meıirbek Moldabekov, Halyqaralyq baılanys aka­demııasynyń akademıgi Sımbaı Dúısenov, professor, «JQZ salasyndaǵy kompanııalar qaýymdastyǵy» ZTB qu­ryltaıshysy Abzal Jamalov jáne taǵy basqalar bar.

KazakhInvest ulttyq kompanııasynyń Qoǵamdyq keńe­siniń quramyna azamattyq qoǵamnyń 9 ókili kirdi, olardyń ishinde «Qazaqstan qarjygerleriniń qaýym­dastyǵy» ZTB ókili Álibı О́teýlov, Qazaqstan qaptaý­shylar qaýymdastyǵynyń basqarma tóraǵasy Batyrbek Áýbákirov, Qazaqstandyq avtobıznes qaýymdas­ty­ǵynyń vıse-prezıdenti Anar Maqasheva, «Ulttyq korporatıvtik basqarý akademııasy» RQB atqarýshy dırektory Laýra Shashpan jáne basqa da belgili azamattar bar.

Aıta keteıik, Memleket basshysy Qasym-Jomart Toqaev «Jańa jaǵdaıdaǵy Qazaqstan: is-qımyl ke­zeńi» atty Qazaqstan halqyna Joldaýynda kvazımem­lekettik sektorda Qoǵamdyq keńester qurý múmkindigin qaras­tyrýdy tapsyrdy. Prezıdenttiń tapsyrmasyn oryndaý maqsatynda 2021 jyldyń basynda «Qoǵamdyq keńester týraly» Zańǵa Qoǵamdyq keńes músheleriniń quqyqtary men mindetterin keńeıtetin, olardy kvazımemlekettik sektordyń jumysyna tartýdy kózdeıtin túzetýler qabyldandy.

 

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar