Ulttyq ekonomıka mınıstrligi jobalyq basqarý departamentiniń dırektory Ilona Shvarskopf Ortalyq kommýnıkasııalar qyzmetinde ótken brıfıngte sóılegen sózinde Úkimettiń jobalyq basqarýdyń zańnamalyq negizin qalyptastyrý boıynsha jumys aıaqtalǵanyn jetkizdi. Ulttyq ekonomıka mınıstrligi ýákiletti organ bolyp belgilendi.
«Mınıstrliktiń negizgi mindeti – jobalyq basqarýdyń ulttyq júıesin qalyptastyrý jáne damytý. Júıe memlekettik basqarýdyń úsh deńgeıin qamtıdy: jalpyulttyq basymdyqtardy iske asyrý arqyly Úkimet deńgeıinde portfelderdi basqarý; memlekettik josparlaý júıesiniń qujattaryn iske asyrý arqyly memlekettik organdar deńgeıinde baǵdarlamalardy basqarý; jobalardy qurý jáne qyzmetin uıymdastyrý arqyly jobalyq komandalar deńgeıinde basqarý. Júıe jobalyq basqarýdyń biryńǵaı aqparattyq júıesinde biryńǵaı zańnamalyq, normatıvtik-quqyqtyq jáne ádisnamalyq negizde jumys isteıdi, onda ulttyq damý josparynyń barlyq jalpyulttyq basymdyqtary boıynsha jobalyq komandalar onlaın rejıminde jumys isteıdi. Memlekettik organdar jumysynda jobalyq tásildi qoldaný ıdeıasy birlesken kollaborasııaǵa, ártúrli memlekettik organdar, bıznes-qoǵamdastyq ókilderi, sarapshylar qoǵamdastyǵy, belsendi azamattar bir jobalyq komanda retinde birlesip jumys istegen kezde kross fýnksıonaldy komandalardy uıymdastyrýǵa baǵyttalǵan», dep habarlady spıker.
Sondyqtan bıyl qatysýshylar sanattary keńeıtildi.
