DDU bul kúni dúnıe júzindegi úkimetter men ulttyq densaýlyq saqtaý organdaryn qan ortalyqtaryn tıisti resýrstarmen qamtamasyz etýge jáne erikti, óteýsiz qan donorlyǵyn keńeıtýge arnalǵan júıe men ınfraqurylymdy qurý úshin negiz qalyptastyrýǵa shaqyrady.
Qaýipsiz qan jáne onyń komponentteri medısınalyq kómek pen qoǵamdyq densaýlyq saqtaýdyń mańyzdy quramdas bóligi ekeni belgili. Mundaı jumys mıllıondaǵan adamnyń ómirin qutqarýmen qatar kóptegen pasıenttiń ómir sapasyn arttyrýǵa múmkindik beredi. Sondyqtan muqtaj bolǵan ár adamnyń qaýipsiz qanǵa qoljetimdiligin qamtamasyz etý úshin barlyq memlekette qandy turaqty jáne erikti túrde tapsyrýǵa daıyn donorlar bolýy kerek.
Sovid-19 pandemııasy qan qyzmetiniń jumysyna, qozǵalystyń shektelýine áser etkenine jáne ózge de qıynshylaqtarǵa qaramastan, Qazaqstandaǵy jáne basqa da memleketti qan donorlary muqtaj pasıentter úshin qan tapsyrýǵa kelýdi toqtatqan emes. Bıylǵy Dúnıejúzilik donor kúniniń urany – «Qan tapsyryńyz, jer betindegi ómir tirshiligi jalǵassyn!». Bul planetada pandemııa patshalyq quryp turǵan ýaqytta burynǵydan da ózekti, burynǵydan da mańyzdy is ekeni anyq. Sondyqtan donorlardyń jer betindegi adam ómirin qutqarýǵa jáne ómir sapasyn arttyrýǵa peıili indetpen kúreste jeńiske jetýdiń bir joly desek, artyq emes.
DDU bıylǵy naýqanda qaýipsiz qan qoryn qamtamasyz etýde jastardyń róline erekshe nazar aýdaryp otyr. Kóptegen eldegi jastar erikti qan donorlyǵy arqyly qaýipsiz qan qoryn qamtamasyz etýge baǵyttalǵan is-sharalar men bastamalarǵa belsendi túrde qatysady. Birshama eldegi halyqtyń aıryqsha bóligin ıdealıst, yntaly jáne shyǵarmashylyq qýatqa ıe jastar quraıdy.
Bir aıta ketetini, jyl saıyn elimizde 200 myńnan astam adam qan tapsyrady, onyń ishinde 18 myńǵa jýyq donor – úsh jáne odan da kóp ret qan tapsyrýshy. О́teýsiz donorlar, eriktiler, elordalyq uıymdar men kásiporyndardyń ujymdary óteýsiz donorlyqtyń damýyna erekshe úles qosýda.
