Qazaqstan • 16 Maýsym, 2021

Keńesterdiń qyzmet aıasy keńeıdi

23 ret kórsetildi

2021 jyly «Qoǵamdyq keńester týraly» zańǵa engizilgen túzetýlerdiń arqasynda memlekettik satyp alý boıynsha konkýrstyq komıssııalarǵa qoǵamdyq keńesterdiń músheleri alǵash ret qatysýda.

Esterińizge sala keteıik, 2021 jyldyń 3 qańtarynda Mem­leket basshysy Qasym-Jomart Toqaevtyń tapsyrmasymen «Qo­ǵam­dyq keńester týraly» zańǵa birqa­tar túzetýler engizilip, olar­dyń músheleriniń quqyqtary men mindetteri aıtarlyqtaı keńeıgen. Olar satyp alý komıssııalarynyń jumysyna qoǵamdyq keńesterdiń múshelerin tartýdy kózdeıdi.

Aqparat jáne qoǵamdyq damý mı­nıstrliginiń qoǵamdyq keńes­ter qyzmeti salasyndaǵy sala­aralyq úılestirýdi júzege asyra­tyn ýákiletti memlekettik organ re­tindegi monıtorıngi qoǵam belsen­dileriniń uıymdastyrý jáne ótkizý qaǵıdalarynyń erejelerin eskere otyryp, qoǵamdyq baqylaý nysandaryna kiriskenin kórsetedi.

Mysaly, Qarjylyq monı­to­rıng agenttigi Qoǵamdyq keńesiniń músheleri 5 konkýrstyq komıs­sııa­nyń jumysyna qatysty, al Otyn-energetıka kesheni másele­leri jónindegi qoǵamdyq keńes­tiń músheleri Energetıka mınıstr­liginiń 14 memlekettik satyp alýyn júzege asyrýǵa qatysty.

Sondaı-aq búginde agro­óner­­kásiptik keshen, ishki ister organdarynyń qyzmeti, Mem­le­kettik qarjy máseleleri jónindegi qoǵamdyq keńesterdiń músheleri Aýyl sharýashylyǵy, Ishki ister jáne Qarjy mınıstrlikteriniń Memlekettik satyp alý jónindegi konkýrstyq komıssııalarynyń quramyna endi.

Sonymen qatar jumys elimiz­diń óńirlerinde de júrgizilýde. Osylaısha, memlekettik satyp alý prosesiniń ashyqtyǵy men obektıvtiligin qamtamasyz etý úshin qoǵamdyq keńesterdiń múshe­leri Jambyl jáne Almaty oblys­tarynyń konkýrstyq komıs­sııalarynyń quramyna kirdi.

Budan basqa, qoǵamdyq keńes­ter kvazımemlekettik sektor sýbek­tilerin qospaǵanda, memleket­tik kásiporyndardyń, memle­ket baqylaıtyn aksıonerlik qoǵam­dar men jaýapkershiligi shekteýli seriktestikterdiń damý jospar­la­rynyń iske asyrylý monıtor­ın­giniń nátıjeleri týraly esepterdi talqylaýdy tájirıbege engizdi.

Densaýlyq saqtaý, memlekettik qarjy, otyn-energetıkalyq keshen máseleleri jónindegi qoǵam­dyq keńesterde «SQ-Farmasııa»  JShS, «Elektrondyq qarjy orta­lyǵy» AQ, «Aqparattyq-esepteý ortalyǵy» AQ, «Ulttyq ındýs­trııalyq munaı-hımııa tehno­parki» AEA, «Munaı jáne gaz aqparattyq-taldaý ortalyǵy» AQ sııaqty vedomstvolyq baǵynysty uıymdardyń esepteri tyńdalyp, olardyń qorytyndylary boıynsha tıisti usynymdar berildi.

Sońǵy jańalyqtar

Erteń Qazaqstan quramasy Beıjińge attanady

Qysqy sport • Búgin, 11:15

Uqsas jańalyqtar