«Densaýlyq saqtaý mınıstrligi SARS-CoV-2 vırýsynyń jasandy sıntezdelgen aqýyzdary negizinde jasalǵan QazCoVac-P sýbbirlikti vaksınasyn I jáne II fazada klınıkalyq zertteý júrgizýge ruqsat berdi. Bul – BQPǴZI-dyń Densaýlyq saqtaý mınıstrliginiń mamandandyrylǵan kásipornynda klınıkaǵa deıingi synaqtan sátti ótken jáne óziniń qaýipsizdigin kórsetken ekinshi vaksınasy», dep jazylǵan resmı aqparatta.
Saıttyń jazýynsha, vaksına jasaýǵa qatysqan mamandar molekýlalyq bıologııanyń zamanaýı tehnologııalaryn paıdalana otyryp, SARS-CoV-2 vırýsynyń RBD jáne N aqýyzdary shyǵaratyn ımmýndyq júıege tanys bakterııalardyń shtamdaryn alǵan.
Vaksınanyń adam aǵzasyna túskende keri áseri bolmas úshin alynǵan aqýyzdar kúrdeli tásildermen tazartylyp, sapa baqylaýynan ótken kórinedi.
Iаǵnı, vaksına quramynda bakterııalyq shtamm bolǵanymen, vırýstyń ózi joq.
«Vaksına egilgen zerthana janýarlarynyń bulshyqetine ekinshi dozany engizgennen keıin ımmýnıtetti 14 táýlikke yntalandyrady. Sýbbirlikti vaksınalar da ınaktıvti vaksına sııaqty, quramynda tiri patogendi komponent joq jáne óte qaýipsiz. Vaksınanyń quramyndaǵy adıývant vaksınasııalanýshynyń aǵzasyna teris áser etpeı, ımmýndyq jaýapty tıimdi yntalandyrady. Bul vaksınanyń quramyna tek qajetti antıgender kiredi jáne vırýstyń basqa komponentteri kirmeıdi. Osynyń arqasnyda janama áserler az kezdesedi. Mysaly, tumaýǵa, V gepatıti men pnevmokokk, menıngokokk jáne gemofıldi ınfeksııalarǵa qarsy osy tıptegi vaksınalar egiledi», dep jazady ınstıtýt saıty.
