Qazaqstan Respýblıkasy Densaýlyq saqtaý mınıstrliginiń Ulttyq shuǵyl medısınany úılestirý ortalyǵynyń (budanári–UShMÚO) mamandary 2021 jyldyń 5 aıynda 1 105 ushýdy oryndady, 1 704 pasıentke, onyń ishinde: patologııasy bar 417 balaǵa, jaraqattary, jazataıym oqıǵalary jáne ýlanýlary bar 242 pasıentke, akýsherlik praktıkadaǵy shuǵyl jaǵdaılar boıynsha 426 pasıentke, qan aınalymy júıesi aýrýlary bar 239 pasıentke, 220 jańatýǵan pasıentke, basqa da aýrýlary bar 160 pasıentke medısınalyq kómek kórsetti.
Sondaı-aq, aǵymdaǵy jyldyń 5 aıynyń qorytyndysy boıynsha 2 076 medısınalyq qyzmet oryndaldy, onyń ishinde: 1 101-i tasymaldandy, medısınalyq uıymdarǵa 1 704 pasıent, 120 konsýltasııa, 78 operasııa jasaldy, 777 qashyqtan medısınalyq qyzmet uıymdastyryldy.
Respýblıka shegindegi medısınalyq avıasııa reısterinen basqa shetelde aýyr halde jatqan Qazaqstan Respýblıkasynyń azamattary men qandastardy halyqaralyq tasymaldaý júzege asyrylady. 2021 jyldyń 5 aıynda sheteldik klınıkalardan otandyq medısınalyq uıymdarda emdeýdi jalǵastyrý úshin medısınalyq avıasııamen 1 Qazaqstan Respýblıkasynyń azamaty tasymaldandy.
UShMÚO Oqytý-trenıngtik ortalyǵy Qazaqstan Respýblıkasynyń medısına qyzmetkerleriniń shuǵyl kómek kórsetýdiń halyqaralyq standarttary salasyndaǵy biliktiligin arttyrýǵa úlken úles qosýda. Sertıfıkattalǵan nusqaýshylarmen 2021 jyldyń 1 toqsanynda halyqaralyq standarttar boıynsha 616 tyńdaýshy medısınalyq qyzmetkerler baǵdarlama boıynsha oqytyldy: «BLS, ACLS, RLS» – 243, «Qaýipsiz kólik júrgizý. Qıyn jaǵdaılarda qaýipsiz kólik júrgizý» –32 oqytyldy. Emdeýge jatqyzýǵa deıingi kezeńde akýsherııadaǵy shuǵyl jaǵdaılar boıynsha sheberlik klass – 324, keshendi semınar-trenıng (BLS, ACLS, PHTLS, PALS) – 2, ushý fızıologııasy jáne pasıentterdi tasymaldaý – 15 ótkizildi.
Sondaı-aq, UShMÚO qurylymynda Ahýaldyq ortalyq quramynda bilikti beıindi mamandar (reanımatologtar, akýsher-gınekologtar, ınfeksıonıster, pýlmonologtar, kardıologtar, nefrologtar jáne t. b.) bar saraptamalyq toppen birlesip táýlik boıy belsendi jumys júrgizedi, medısınalyq avıasııa jelisi boıynsha medısınalyq kómek kórsetý sapasyn jaqsartý boıynsha sharalar qabyldaý úshin turaqty negizde anestezıologııa, reanımasııa jáne qarqyndy terapııa bólimshesinde jatqan aýyr haldegi pasıentterge jáne JRVI, pnevmonııanyń aýyr túrimen naýqastanǵan pasıentterge kúndelikti táýlik boıy monıtorıng pen taldaý júrgiziledi.
Sonymen qatar, UShMÚO bazasynda Qazaqstan Respýblıkasyndaǵy koronavırýstyq ınfeksııa boıynsha epıdemıologııalyq jaǵdaıdy monıtorıngteý jáne taldaý jónindegi Ahýaldyq ortalyq janynan jedel shtab quryldy, onyń jumysy táýlik boıy júrgiziledi.
