Oblystyq polısııa departamenti baspasóz qyzmetiniń aqparatyna qaraǵanda, qalalyq basqarmanyń kezekshi bólimine E. esimdi turǵyn shaǵym túsirgen.
«Shaǵymdanýshy ınternet jelisi arqyly belgisiz adamnyń jumysqa ornalastyrýǵa ýáde berip, óziniń aqshasyn ıelenip, qaıtarmaǵany jóninde aıtqan. Atalǵan derekke qatysty QR Qylmystyq Kodeksiniń 190-babynyń 2-bóligi, 4-tarmaǵy negizinde sotqa deıingi birqatar tergeý áreketi júrgizildi. Birneshe mekemege suranys hattar joldandy. Izdeý sharalarynyń nátıjesinde kúdiktiniń jeke basy anyqtaldy.
Kúdiktiniń bul birinshi qurbany emes eken. Ol aqparattyq júıeni paıdalanýshynyń senimin teris paıdalaný jolymen bótenniń múlkin jymqyrý maqsatynda «Telegram» áleýmettik jelisine jumysqa ornalastyryp beremin dep jarnama shyǵarǵan. «WhatsApp» áleýmettik jelisiniń «statýs» bólimine «vakansııa» dep kórsetip qoıǵan» dep habarlady departamenttiń baspasóz qyzmeti.
Tergeý nátıjesimen is sotqa joldandy. Al, sot sheshimimen aıyptalýshy kináli dep tanylyp, 3 jyl bas bostandyǵynan shektelip, jyl saıynǵy 100 saǵattan májbúrli eńbekke tartylý jazasy taǵaıyndaldy.
