«Qarasora-2021» operasııasy bastaldy

T.Matkenovtiń aıtýynsha, «Qarasora» jedel aldyn alý is-sharasyn ótkizýdegi negiz­gi maqsat – eldiń ońtústik óńir­lerinen kannabıs tobynyń esirt­kilerin daıyndaýmen jáne áketýmen aınalysatyn adam­dardy anyqtaý, geroın tra­fıgi arnalarynyń jolyn kesý, sondaı-aq sınte­tıka­lyq esirtkini taratýǵa maman­dan­dy­rylǵan uıymdasqan qyl­mystyq toptardyń qyzmetin, zańsyz esirtki zerthanalaryn joıý.

Bul operasııanyń ashylý orny retinde Shý qalasynyń belgilenýi kezdeısoq emes. Tá­ji­rıbe kórsetkendeı, ótken jyly Shýdan shyqqan kannabıs tobynyń esirtkileri eldiń barlyq aımaqtarynan derlik alynǵan.

Jambyl jáne Qyzylorda oblystarynyń polısııa de­partamentterinde kannabısti tasymaldaý barysynda paıdalanýy múmkin jerlerdi, aýyldyq joldardy eskere otyryp, patrýldeý baǵyttary ázir­lendi. Quramynda esirtki bar ósimdikterdi ósirý oryndaryn anyqtaý maqsatynda IIM men Ulttyq ulannyń arnaıy maqsattaǵy bólimshelerin, kúshter men quraldardy tarta otyryp, Qyzylorda oblysy men oǵan shekaralas aýmaq­tar­da áýe barlaýy júzege asy­rylady. Sońǵy birneshe jyl ishinde eldiń ońtústik aımaq­tarynda uıymdasqan qyl­mys­tyq toptardyń tetragı­dro­kannabınoldyń kóp mólsheri bar marıhýana jasalǵan «Úndi qa­rasorasyn» ósirýdi jol­­ǵa qoıý áreketteri turaqty túrde anyqtalyp, onyń joly kesilýde.

Keńeste polısııa depar­ta­ment­teriniń esirtki qylmy­syna qarsy is-qımyl jónindegi bólimsheleriniń osy jyldyń 5 aıyndaǵy jedel-qyzmettik jumysynyń qorytyndysy shyǵaryldy ári aldaǵy kezeńge birqatar tapsyrma berildi.

Budan keıin, nusqaýlyq keńeske qatysýshylar Jam­byl oblysynyń Shý aýdanyn­da ornalasqan «Delta-Do­lına» arnaıy bólimshesiniń materıaldyq-tehnıkalyq jab­dyqtarymen  tanysty. Osy baǵytta tájirıbe almasty.

Esterińizge sala keteıik, «Qarasora» keń aýqymdy operasııasy jyl saıyn maýsym men qazan aralyǵynda qarasora ósetin kezde ótkiziledi. 2020 jyly operasııa nátıjesinde 830 qyl­mys anyqtalǵan. Túrkistan, Qyzylorda jáne Qaraǵandy oblystarynda jalpy kólemi 260 gektardan astam 62 plantasııa, salmaǵy 20 tonnadan asatyn 53 myń túp qarasora alynyp, joıylǵan. Negizgi bóligi Qyzylorda oblysyna tıesili 48 plantasııa joıylyp, 14 tonnadan astam quramynda esirtki bar ósimdikter tárkilengen. Qa­ra­ǵandy jáne Qyzylorda oblys­tarynyń shekarasynda tikushaqpen ushý kezinde Qy­zylorda óńiriniń turǵyndary ustalǵan, olar óz kólikterine jasyrynyp, atys qarýyn qoldana otyryp qarsylyq kórsetken.