Aımaqtar • 17 Maýsym, 2021

Bekshın Almatyǵa arnalǵan jańa qaýlyny túsindirdi

32 ret kórsetildi

Almatynyń bas sanıtarııa dárigeri Jandarbek Bekshın jýrnalıstermen ótken brıfıng barysynda jańa qaýly shyǵatynyn aıtty, dep habarlaıdy Egemen.kz.

Jandarbek Bekshınniń aıtýynsha, jańa qujatta bıznes nysandary eki blokqa bólingen: Ashyq qosymshasyna qatysatyn jáne qatypaıtyn nysandar.

Qaýlyǵa sáıkes:

Sýpermarket, azyq-túliktik emes dúkender, azyq-túlik satatyn jáne azyq-túliktik emes bazarlar, jabyq bazarlar bul júıege qatyspaıdy. Alaıda aýrýdyń taralý deńgeıin eskere otyryp, olarǵa shekteýsiz jumys isteýge ruqsat beriledi.

Qoǵamdyq tamaqtaný oryndary boıynsha - eger mekeme Ashyq jobasyna qatysqan bolsa, 07.00-den túngi 02.00-ge deıin jumys isteı alady, tolymdyǵy - 50 paıyz, biraq 70 orynnan aspaýy kerek. Eger Ashyq jobasyna qatyspaǵan bolsa, barlyq shart osyndaı, biraq 50 orynnan aspaýy kerek.

Kınoteatr, teatrlar men konsert zaldary Ashyq jobasyna qatysqan bolsa 50 paıyz tolymdyqpen jumys isteıdi, eger Ashyq jobasynda joq bolsa 30 paıyz tolymdyqpen ǵana jumys isteýge ruqsat beriledi.

«Sonymen qatar, jańa erejeler qala «jasyl» aımaqqa kóshkennen soń jeti kúnnen keıin kúshine enedi», dedi qalanyń bas sanıtarııa dárigeri.

 

Sońǵy jańalyqtar

Uqsas jańalyqtar