Joba aıasynda shetelden kelýshilerdiń tek sanyn emes, elde qansha kún bolatynyn, qandaı qyzmetterdi paıdalanatynyn bilýge bolady.
«Endigi mindet kelýshiler týraly málimetterdi - qonaqúılerdegi bar aqparatty alyp, taldap, eQonaq júıesine engizý», dep habarlaıdy «Kazakh Tourism» ulttyq kompanııasynyń basqarma tóraǵasy Erjan Erkinbaev.
Ázirleýshilerdiń aıtýynsha, «eQonaq» QR týrıstik salasyn damytýdyń 2019-2025 jyldarǵa arnalǵan memlekettik baǵdarlamasynyń júıeli sharasy retinde iske asyrylyp otyr jáne bastapqyda týrıstik aǵyn statıstıkasyn retteýdi kózdegen.
Sondaı-aq ótken jyldyń qańtarynda prezıdent sheteldik týrısterdi mindetti tirkeýdi toqtatty. Endi bul qyzmetti sheteldik turatyn oryndar (qonaqúıler) atqarady. Al kóshi-qon qyzmetterine aqparat berýdiń odan arǵy prosesterin ońaılatý úshin «eQonaq» júıesi osy mindetterge saı ıntegrasııalandy.
Qazir júıe Nur-Sultan jáne Almaty qalalarynda, sondaı-aq Aqmola jáne Soltústik Qazaqstan oblystarynda 383 orynda (qonaqúıler, hostelder, demalys úıleri jáne t.b.) engizildi.
Sonymen qatar júıeni jasaýshylar «Ashyq» júıesimen ıntegrasııany josparlap otyr.
«Ashyq júıesiniń arqasynda biz kınoteatrlarǵa, dámhanalar men meıramhanalarǵa qaıta bara bastadyq. Ol úshin tek ózińizdiń JSN-dy engizip, QR-kodty skanerleý qajet. Alaıda sheteldikter qazaqstandyq JSN-syz júıeni paıdalana almaıdy, júıede sheteldikter týraly derekter joq. Bul derekter bizdiń eQonaq júıesinde bar. Bul týrısterge el ishinde júrýge múmkindik beredi, sonymen qatar biz úshin de týrıster ornalasqan jerlerdi ǵana emes, sonymen birge olar baratyn jerlerdi de taldaýǵa múmkindik beredi. Bul týrızm salasyndaǵy ınfraqurylymdy josparlaý kezinde kómektesedi, óıtkeni biz naqty týrıstik aǵyndy kóre alamyz», dedi Erjan Erkinbaev.
Osy jyldyń maýsymynda júıeni Alakól, Balqash, Atyraý jáne Aqtaý qonaqúılerinde engizý josparlanǵan. Jyl sońyna deıin elimizdiń basqa da týrıstik aımaqtaryn qamtý arqyly «eQonaq» júıesi bar qonaqúıler sanyn 600-ge deıin jetkizý josparlanyp otyr.
