Birinshi. Jeke sektordy gazdandyrý
Qalada gazdandyrý jumystary jalǵasýda. О́tken jylytý maýsymynda (2020-2021 j) Temirjolshylar, Kóktal-2 aýdandarynyń turǵyndary, sol sııaqty Agroqalashyqtyń bir bóligi gazǵa qosyldy. О́tken jyly elordanyń turǵyn úı alaptarynda 345 km gaz taratý jelileri salyndy. Bıyl taǵy 317 km jeli salý josparlanyp otyr, onyń 170 shaqyrymy 2021 jyldyń birinshi jartyjyldyǵynda salyndy.
Jańa jylytý maýsymynda elordanyń taǵy 7 turǵyn alabynyń turǵyndary gazǵa qosyla alady.
Qalany gazdandyrý ekologııany aıtarlyqtaı jaqsartady. Sondaı-aq, JEO-1 jáne JEO-2-niń birqatar sý jylytý qazandyǵy gazǵa aýystyryldy. Qalǵan qazandyqtar bıyl gazǵa kóshiriledi.
Ekinshi. Jappaı kógaldandyrý
Jyl saıyn qalada jasyl aımaqtar, saıabaq aýmaǵy jáne t.b. kóbeıip keledi. Bıyldyń ózinde 1 mln-ǵa jýyq jasyl jelek (aǵashtar, butalar jáne t.b.) otyrǵyzylady. Sonyń ishinde qalaǵa taza aýa berip otyrǵan elordanyń «jasyl beldeýinde» jumystar júrgizilýde.
Úshinshi. Ekologııalyq taza kólik túrlerin engizý
Atmosferaǵa shyǵatyn zııandy zattardy azaıtý úshin qala ákimdigi 100 elektr avtobýsyn qoldanysqa engizdi. Bul elektr avtobýstarynyń artyqshylyǵy – qorshaǵan ortaǵa zııandy qaldyqtar shyǵarmaıdy. Osyndaı ekologııalyq avtobýstardyń sanyn josparly túrde arttyrý úshin qalada elektr avtobýstary bar zamanaýı parktiń qurylysy júrip jatyr.
Tórtinshi. Qoqys óńdeý zaýytyn jańǵyrtý
Bıyldyń ózinde «Soltústik jota» karerin odan ári qalpyna keltire otyryp, qurylys qaldyqtaryn qaıta óńdeý alańy iske qosylady. Onda qurylys qaldyqtaryn qaıta óńdeıtin untaqtaý kesheni qarastyrylǵan, bul qaldyqtardy kádege jaratý prosesin de jeńildetedi.
Budan basqa, qoqys óńdeý zaýytyn jańǵyrtý jalǵasatyn bolady. Sondaı-aq qatty turmystyq qaldyqtardy jeke jınaý, ruqsat etilmegen qoqys úıindileriniń paıda bolýyna jol bermeý, ekologııalyq senbilikter jáne t.b. boıynsha jumystar júrgizilýde.
Bul sharalardyń bári jalǵasatyn bolady. Degenmen ekologııanyń jaqsarýyna jalpy úles adamnyń mádenıeti men tabıǵatqa degen jeke kózqarasyna baılanysty.
